Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Temirjol - selfıge túsetin jer emes: QTJ qazaqstandyqtarǵa eskertý jasady

2021 jyldyń 28 jeltoqsan 2021 09:50

NUR-SULTAN. QazAqparat - «Qazaqstan temir joly» qazaqstandyqtarǵa temirjol kóligi nysandarynda muqııat bolý kerektigin eskertedi, dep habarlaıdy QazAqparat.

Temirjolda balalardyń qatysýymen bolatyn qaıǵyly jaǵdaılar jıilep ketti: sońǵy úsh kúnde eki jasóspirim qaıtys boldy.

Máselen, 25 jeltoqsanda Taraz stantsııasynda poıyz vagonynda selfı jasaý áreketi kezinde 15 jasar jasóspirim túıispeli symdaǵy toktan qaza tapty.

Osyǵan uqsas oqıǵa 27 jeltoqsanda Almaty stantsııasyndaǵy qabyldaý-jóneltý parkinde oryn aldy.

Selfı jasaǵan eki jasóspirim joǵary kerneýli tok razrıadyn aldy. Olardyń biri sol jerde qaıtys boldy.

Atalǵan faktiler boıynsha tergeý amaldary júrip jatyr.

«QTJ» UK» AQ qazaqstandyqtarǵa temirjol kóligi nysandarynda muqııat bolýdy jáne óz ómirlerine qaýip tóndirmeýdi suraıdy.

Temirjol kóligi – jeke qaýipsizdik erejelerin qatań saqtaýdy qajet etetin qaýipti aımaq.

«Jaıaý júrginshiler kópirin, tósemderdi paıdalana otyryp, jaqyndap kele jatqan poıyzdyń joqtyǵyna kóz jetkizip baryp, belgilengen oryndardan temir joldy kesip ótý qajet. Temirjolda, poıyz vagondarynda foto jáne beıne túsirmeńiz. Joǵary kerneýli symdardyń janynda, perrondarda, súriný ońaı qaýipti jerlerde sýretke túsýge qatań tyıym salynady. Eshqandaı da keremet kadr densaýlyǵyńyzǵa nemese ómirińizge tatymaıdy « dep eskertedi ulttyq tasymaldaýshy .


Basty sózder: Kólik, Poıyz, QTJ, Oqıǵa,
Joǵary qaraı