Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tender utyp beremin: Alaıaq Taraz turǵynyn jarty mln teńgege aldady

2021 jyldyń 28 qazan 2021 15:14

TARAZ. QazAqparat – Jambyldyq turǵyn tender utyp beremin degen jeleýmen tanysynyń jarty mıllıon teńgeden astam aqshasyn ıemdenip ketken, dep habarlaıdy QazAqparat tilshisi.

Taraz qalasynyń Polıtsııa basqarmasyna 34 jastaǵy jergilikti turǵyn habarlasyp, 2020 jyldyń sáýir aıynda onyń tanysy, er adam qurylys tenderin utyp alýǵa kómektesý maqsatynda senimge kirip, aldaý jolymen onyń 530 myń teńge somasyndaǵy aqshasyn ıemdengenin aıtqan.

Іzdestirý sharalary barysynda polıtsııa qyzmetkerleri oblys ortalyǵynyń 36 jastaǵy turǵynyn ustady. Jábirlenýshi kúdiktini tanydy.

«Atalǵan derekke qatysty QR QK 190-babynyń 1-bóligi (Alaıaqtyq) boıynsha sotqa deıingi tergeý amaldary bastaldy, qazirgi tańda tergeý sharalary júrgizilýde. Osy qylmysty jasaǵany úshin QR Qylmystyq kodeksinde eki jylǵa deıingi merzimge bas bostandyǵyn shekteý nemese múlkin tárkileı otyryp, sol merzimge bas bostandyǵynan aıyrý túrindegi jaza kózdelgen», - delingen polıtsııa habarlamasynda.

Jambyl oblysynyń Polıtsııa departamenti turǵyndarǵa saq jáne muqııat bolý qajettigin eskertedi.




Joǵary qaraı