Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Teńge baǵamy: Ulttyq bank 64,6 mln dollarǵa ınterventsııa júrgizdi

2021 jyldyń 3 jeltoqsan 2021 10:23

ALMATY. QazAqparat – Valıýta naryǵyndaǵy jaǵdaıdy turaqtandyrý maqsatynda Ulttyq bank 2 jeltoqsanda 64,6 mln AQSh dollary kóleminde ınterventsııa júrgizdi. Bul týraly Ulttyq bank tóraǵasynyń orynbasary Álııa Moldabekova málim etti, dep habarlaıdy QazAqparat tilshisi.

Ulttyq bank ókiliniń aıtýynsha, 2 jeltoqsanda bırjadaǵy teńge-dollar saýda-sattyǵynyń kólemi 292 mıllıon dollarǵa jetti, bul - 2020 jyldyń sáýirinen bastap qaraǵanda rekordtyq kórsetkish.

Qazaqstannyń valıýta naryǵy syrtqy naryqtardaǵy jaǵdaıdyń nasharlaýyna baılanysty shetel valıýtasyna suranystyń ósý kezeńin bastan ótkerip otyr.

«Saýda-sattyq kóleminiń ósýi jáne bir dollar úshin 436 teńge belgisine deıin baǵamnyń álsireýi shetel valıýtasyna suranystyń artýy aıasynda oryn aldy, ol mynadaı faktorlarǵa tikeleı baılanysty boldy»,- deıdi Álııa Moldabekova.

Birinshiden, «Omıkron» shtammynyń taralýyna qatysty alańdaýshylyqtyń artýyna baılanysty munaı baǵasynyń kúrt quldyraýy sebep boldy. Máselen, 1 jeltoqsanda Brent surypty munaıdyń belgilengen baǵasy bir barrel úshin 70 dollardan tómen túsip, bıylǵy jylǵy tamyzdan bastap eń tómengi deńgeı – 68,14-ke jetti.

Ekinshiden, munaı baǵasynyń jergilikti eń tómengi deńgeıge deıin tómendeýi kompanııalar men jeke tulǵalar tarapynan shetel valıýtasyna qosymsha ishki suranysty týyndatty, 1 jeltoqsan Qazaqstanda demalys kúni bolǵandyqtan, suranystyń bir bóligi ekinshi deńgeıli bankter onlaın platformalary arqyly iske asyryldy. Sondyqtan júıeleri valıýtany onlaın aıyrbastaýǵa múmkindik beretin barlyq bankter 2 jeltoqsan kúni tańerteń «qysqa» pozıtsııada boldy, ıaǵnı olar jumys ýaqytynan tys ýaqytta óz klıentterine satylǵan valıýtany satyp alýǵa májbúr boldy.

Al suranystyń bir bóligi saýda-sattyq ashylǵannan keıin birden bırja naryǵyna tústi. Sondyqtan, keshe bankter óz klıentterine «qysqa» pozıtsııany jabý jáne jańadan kelip túsken ótinimderdi oryndaý úshin valıýta satyp aldy.

Úshinshiden, shetel valıýtasyna aıtarlyqtaı suranys beırezıdent ınvestorlar tarapynan da týyndady. Damýshy naryqtardan valıýtanyń jahandyq áketilýi aıasynda beırezıdentter teńgeden shetel valıýtasyna keri konverttedi. Suranystyń artýy bankaralyq naryqtaǵy baǵa belgileýge áser etti, munda satyp alý baǵamy bir dollar úshin 441 teńgege deıin jetti.

«Shetel valıýtasyna suranystyń onyń usynysynan aıtarlyqtaı asyp túsýi aıasynda valıýta naryǵyndaǵy jaǵdaıdy turaqtandyrý maqsatynda Ulttyq Bank 2 jeltoqsanda 64,6 mln AQSh dollary kóleminde ınterventsııa júrgizdi. Bul alypsatarlyq ahýaldyń kúsheıýine jáne aıyrbastaý baǵamynyń turaqsyzdandyratyn aýytqýlaryna jol bermeýge múmkindik berdi. Bankterdiń qysqa pozıtsııalaryna jáne beırezıdentterdiń shyǵýyna baılanysty qosymsha suranys tolyq kólemde qanaǵattandyryldy»,-dedi Ulttyq bank tóraǵasynyń orynbasary Álııa Moldabekova .


Joǵary qaraı