Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Teńiz ken ornynda 456 adam koronavırýspen aýyryp jatyr

2022 jyldyń 18 qańtar 2022 11:53

ATYRAÝ. QazAqparat – Atyraý oblysyndaǵy Teńiz ken ornynda 456 adam koronavırýspen aýyryp jatyr, dep habarlaıdy QazAqparat.

Atyraý oblysynda qaýipti vırýsty juqtyrǵandar sany taǵy da 538 naýqasqa kóbeıip otyr.

«Ótken táýlikte – 17 qańtarda Atyraý qalasynda 322 adamnyń Covid-19 ınfektsııasyna shaldyqqany rastaldy. Teńiz ken ornynda 101 naýqas anyqtaldy. Al, Jylyoı aýdanynda 39, Inderde – 20, Qyzylqoǵada – 18, Qurmanǵazyda – 13, Isataıda – 11, Maqatta – 10, aýdanynda, Mahambet aýdanynda 4 naýqas tirkeldi. Naýqastardyń arasynda 294 adamda koronavırýs ınfektsııasynyń sımptomdy belgisi bar», -dep málim etti oblystyq densaýlyq saqtaý basqarmasynyń baspasóz qyzmetinen.

Qazir 2 468 adam úı jaǵdaıynda emdelý úshin oqshaýlanǵan.

Jylyoı aýdanyndaǵy Teńiz ken ornyndaǵy ınfektsııalyq statsıonarda – 456, modýldik aýrýhanada – 170, aýdandardaǵy ınfektsııalyq statsıonarlarda – 45, al, №2 oblystyq aýrýhanada – 39, ftızıopýlmanologııalyq ortalyqta 20 naýqas hattamaǵa sáıkes em-dom qabyldap jatyr.

Eske sala ketelik, budan buryn atyraýlyqtar koronavırýsty kóbine qoǵamdyq orynda juqtyratynyn, oblys ákimi men birinshi orynbasary qaýipti vırýsqa shaldyqqanyn habarlaǵan bolatynbyz.


Joǵary qaraı