Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Teńiz kenishinde bir de bir jumysshy koronavırýs juqtyrǵan joq

2021 jyldyń 2 tamyz 2021 11:45

ATYRAÝ. QazAqparat – Atyraý oblysyndaǵy Teńiz kenishinde koronavırýs ınfektsııasyn juqtyrýshy tirkelgen joq. Biraq, ken ornyndaǵy ınfektsııalyq statsıonarda 342 naýqas jatyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte koronavırýs ınfektsııasyna 408 adam shaldyqqan.

Onyń ishinde Atyraý qalasynda 323 jaǵdaı rastalǵan. Teńiz ken ornynda naýqastar tabylǵan joq.

Qyzylqoǵa aýdanynda 18, Isataıda – 16, Inderde – 15, Qurmanǵazyda – 15, Mahambette – 10 Maqatta – 6, Jylyoı aýdanynda 5 adamnan qaýipti vırýstyń belgisi anyqtalǵan.

Qazir 4 867 adam úı jaǵdaıynda em-dom alyp jatyr.

«Aýdandardaǵy ınfektsııalyq statsıonarlarda – 388, Teńiz ken ornyndaǵy statsıonarda – 342, modýldik aýrýhanada – 205, №2 oblystyq aýrýhanada – 203, temirjol aýrýhanasynda – 113, kardıologııalyq ortalyqta – 103, ftızıopýlmonologııa ortalyǵynda – 83, oblystyq aýrýhanada 41 naýqas em qabyldaýda. Sondaı-aq, ınfektsııalyq statsıonarǵa laıyqtalǵan jataqhanalarda 114 patsıent oqshaýlanǵan», -dep habarlady basqarmanyń baspasóz qyzmeti.

Eske sala ketelik, buǵan deıin Atyraý oblysynda ınfektsııalyq statsıonarlarda 1 549 naýqas jatqanyn habarlaǵan edik.


Joǵary qaraı