Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Aleksandr Býblık álemdik reıtıngide rekord kórsetkishke qol jetkizdi

2021 jyldyń 13 qyrkúıek 2021 11:17

NUR-SULTAN. QazAqparat – Qazaqstannyń birinshi raketkasy Aleksandr Býblık ATP reıtıngisinde rekord kórsetkishke qol jetkizdi, dep habarlaıdy QazAqparat tilshisi.

Qazaqstan tennıs federatsııasy málim etkenindeı, búgin jańartylǵan reıtıngide A.Býblık 37-den 34-orynǵa kóterildi. Bul – onyń sporttyq jolyndaǵy eń úzdik kórsetkishi.

Mıhaıl Kýkýshkın 13 satyǵa tómendep, 142-orynǵa jaıǵasty. Dmıtrıı Popko 193-ten 195-ke syrǵydy. Esesine Tımofeı Skatov birden 25 satyǵa, 299-dan 274-ge kóterildi.

Juptyq synda Andreı Golýbev 38-orynda qalsa, A.Býblık 50-den 48-ge joǵarylady. Ýkraınada ótken chelendjer týrnırinde jeńimpaz atanǵan Aleksandr Nedovesov 80-nen 79-ǵa ornalasty.

Eske sala keteıik, budan buryn qazaqstandyq jas tennısshilerdiń Ýkraınada ótken jarysta chempıon atanǵanyn, US Open týrnırinde 18 jastaǵy tennısshiniń chempıon atanyp, rekordtyq nátıjege qol jetkizgenin jazǵan bolatynbyz.

Sondaı-aq Danııl Medvedev «Úlken dýlyǵa» dodasynda alǵash ret chempıon atandy.





Avtor Eljan Eraly
Basty sózder: Sport,
Joǵary qaraı