Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Anna Danılına Dýbaıdaǵy týrnırdiń fınalyna shyqty

2021 jyldyń 26 qarasha 2021 23:39

NUR-SULTAN. QazAqparat – Anna Danılına juptyq synda Dýbaıdaǵy ITF W 100 týrnıriniń fınalyna shyqty, dep habarlaıdy QazAqparat tilshisi.

Osy jarystyń 1-raketkalary bolyp tirkelgen A.Danılına men slovakııalyq Vıktorııa Kýzmova jartylaı fınalda taılandtyq Peangtarn Plıpýek – ındonezııalyq Aldıla Sýtdjıadımen kúsh synasty.

Birinshi partııa taılandtyq-ındonezııalyq juptyń enshisinde ketti – 6:4. Ekinshisinde Danılına men Kýzmova ese qaıyrdy – 6:2. Sosyn sýper taı-breıkte jeńisti julyp aldy – 10:4.

Qazaqstandyq-slovakııalyq jup fınalda reseılikter Angelına Gabýeva – Anastasııa Zaharovamen bas júldeni sarapqa salady. Olar jartylaı fınalda tartysty básekede ındonezııalyq Beatrıs Gýmýlıa – taıbeılik Shý-Iın Seni utty – 7:6 (7:3), 4:6, 10:5.

Eske sala keteıik, budan buryn Anna Danılınanyń Dýbaıdaǵy týrnırdiń jartylaı fınalyna ótkenin jazǵan bolatynbyz.


Avtor Eljan Eraly
Basty sózder: Sport,
Joǵary qaraı