Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tennıs: Anna Danılına Sıdneı týrnıriniń jeńimpazy atandy

2022 jyldyń 15 qańtar 2022 10:01

NUR-SULTAN. QazAqparat - Qazaqstandyq Anna Danılına juptyq synda Sıdneı WTA 500 týrnıriniń jeńimpazy atandy, dep habarlaıdy QazAqparat tilshisi.

A.Danılına brazılııalyq Beatrıs Haddad Maııamen birge sońǵy báseede germanııalyq Vıvıan Haızer - majarstandyq Panna Ýdvardımen bas júldeni sarapqa saldy.

Birinshi partııada germanııalyq-majarstandyq jup basymdylyq kórsetti - 6:4.

Ekinshi sette Anna men Beatrıs breıkpen alǵa shyqty - 2:0. Aqyry sol basymdylyǵyn saqtaı aldy - 7:5.

Sýper taı-breıkte de olar 4:0 esebimen alǵa ketti. Oıyn sońynda áldeneshe matchboldy paıdalana almaǵanymen, jeńispen támamdady - 10:8.

1 saǵat 36 mınýtqa sozylǵan kezdesýde qarsylastar qos-qostan breık jasady.

Osylaısha Anna Danılına juptyq synda sporttyq jolynda alǵash ret WTA 500 jarysynyń chempıony atandy. Endi ol Aýstralııa ashyq chempıonatynda óner kórsetedi.

Eske sala keteıik, budan buryn Anna Danılınanyń Sıdneı týrnıriniń fınalyna shyqqanyn, Aýstralııa ashyq chempıonatynda qazaqstandyq tennısshilerdiń qarsylastary anyqtalǵanyn jazǵan bolatynbyz.


Avtor Eljan Eraly
Basty sózder: Sport, Qoǵam,
Joǵary qaraı