Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Býblık Rım masters týrnıriniń ekinshi aınalymyna shyǵa almady

2021 jyldyń 11 mamyr 2021 00:20

NUR-SULTAN. QazAqparat – Qazaqstannyń birinshi, álemniń 40-raketkasy Aleksandr Býblık Rım masters týrnıriniń ekinshi aınalymyna shyǵa almady, dep habarlaıdy QazAqparat tilshisi.

A.Býblık alǵashqy aınalymda álemniń 43-raketkasy, 2014 jylǵy US Open týrnıriniń jeńimpazy, horvatııalyq Marın Chılıchpen kezdesti.

Ótken jyly osy dodanyń birinshi aınalymynda A.Býblık qarsylasyna 7:6, 2:6, 4:6 esebimen ese jibergen bolatyn. 2020 jyly Rımde álemniń 1-raketkasy, serbııalyq Novak Djokovıch chempıon atanǵan edi.

Birinshi partııada barynsha jınaqy oınaǵan qazaqstandyq tennısshi esep 2:2 bolǵan mezette breık jasaı bildi. Sodan keıin setke dop bergende, múmkindigin múlt jibergen joq - 6:4.

Ekinshi sette esep 3:2 bolǵan kezde A.Býblıktiń qateliginen keıin horvatııalyq sportshy breık jasap ketti – 4:2. Sodan keıin taǵy bir breıkpen bitirdi – 6:2.

Úshinshi, sheshýshi sátte A.Býblık aldymen breık-poıntyn paıdalana almasa, M.Chılıch oıyn tizginin ýysynan shyǵarǵan joq – 3:1. Aqyry matchty eıspen támamdady – 6:3.

Báseke 1 saǵat 44 mınýtqa sozyldy.

Osylaısha A.Býblık Rımde bıyl da M.Chılıchten aılasyn asyra almady.

M.Chılıch júlde qory 2,5 mln AQSh dollarynan asatyn jarystyń ekinshi aınalymynda álemniń 5-raketkasy, grekııalyq Stefanos Tsıtsıpaspen kortqa shyǵady.

Eske sala keteıik, budan buryn qazaqstandyq tennısshilerdiń Rım týrnırindegi qarsylastary anyqtalǵanyn, Aleksandr Býblıktiń álemdegi úzdik 40 tennısshiniń qataryna kirgenin jazǵan bolatynbyz.

Áıelder arasyndaǵy osy jarysta ıÝ.Pýtıntseva asa tartysty matchta jeńilip qaldy.


Avtor Eljan Eraly
Basty sózder: Sport, Qoǵam,
Joǵary qaraı