Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Býblık juptyq synda Sankt-Peterbýrg týrnıriniń fınalyna shyǵa almady

2020 jyldyń 17 qazan 2020 23:13

NUR-SULTAN. QazAqparat – Qazaqstandyq Aleksandr Býblık juptyq synda Sankt-Peterbýrg ATP 500 týrnıriniń fınalyna shyǵa almady, dep habarlaıdy QazAqparat tilshisi.

Amerıkalyq Reıllı Opelkamen jup qurǵan qazaqstandyq tennısshi jartylaı fınalda brazılııalyq Marselo Demolıner men Nıderlandy ókili Matve Mıddelkoppen kúsh synasty.

Birinshi partııada brazılııalyq-nıderlandylyq jup birden breıkpen alǵa shyqty – 2:0. Sol basymdylyǵyn settiń aıaǵyna deıin saqtaı aldy – 6:4.

Ekinshi sette esep 3:2 bolǵan mezette qazaqstandyq-amerıkalyq jup breık jasaı bildi. Sonyń arqasynda esepti 6:3-ke jetkizdi.

Taıbreıkte brazılııalyq-nıderlandylyq jup sátti oınady – 10:6.

Báseke 1 saǵat 2 mınýtqa sozyldy.

M.Demolıner men M.Mıddelkop fınalda osy jarystyń 2-raketkasy bolyp tirkelgen aýstrııalyq ıÝrgen Meltser men frantsııalyq Edýar Roje-Vasslenmen bas júldeni sarapqa salady.

Jekeleı synda fınalda reseılik Andreı Rýblev pen horvatııalyq Borna Chorıch chempıondyq ataq úshin talasady.

Eske sala keteıik, budan buryn T.Skatov pen J.Qulambaevanyń Mysyrdaǵy týrnırdiń jartylaı fınalyna shyqqanyn jazǵan bolatynbyz.

Sharm ál-Sheıh qalasynda ótip jatqan dodada Tımofeı Skatov pen Jibek Qulambaeva fınalǵa shyǵa almaı qaldy. T.Skatov amerıkalyq Felıks Korvınge 3:6, 6:4, 0:6 esebimen ese jiberdi. Al J.Qulambaeva taıvandyq Djoanna Garlendten óte almady – 3:6, 6:7 (5:7).

Avtor Eljan Eraly
Basty sózder: Sport,
Joǵary qaraı