Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Dmıtrıı Popko Brazılııadaǵy týrnırdiń shırek fınalyna shyqty

2020 jyldyń 26 qarasha 2020 00:16

NUR-SULTAN. QazAqparat – Qazaqstandyq Dmıtrıı Popko San-Paýlý (Brazılııa) chellendjer týrnıriniń shırek fınalyna shyqty, dep habarlaıdy QazAqparat tilshisi.

Álemniń 172-inshi, osy týrnırdiń 5-raketkasy D.Popko alǵashqy aınalymda reıtıngte 360-orynda turǵan ıspanııalyq Karlos Gomes-Erreramen sheberlik baıqasty.

Tartysty ótip, eki saǵatqa sozylǵan matchta qazaqstandyq tennısshi 6:3, 3:6, 6:1 esebimen basym tústi.

D.Popko ekinshi aınalymda ekvadorlyq Roberto Kýırospen kezdesti.

Qazaqstandyq sportshy reıtıngte 295-orynda turǵan qarsylasyn 6:1, 6:1 esebimen ońaı utty.

D.Popko jartylaı fınalǵa shyǵý úshin álemniń 306-raketkasy, brazılııalyq Felıpe Melıgenı Rodrıges Alvespen talasady. Kort ıesi ekinshi aınalymda álemniń 156-ynshy, dodanyń 3-raketkasy, mysyrlyq Mohamed Safvatty 6:3, 7:6 (9:7) esebimen utyp ketti.

San-Paýlý jarysy 29 qarashada márege jetedi.

Eske sala keteıik, budan buryn qazaqstandyq tennısshilerdiń jańa reıtıngte pozıtsııalaryn jaqsartqanyn jazǵan bolatynbyz.



Avtor Eljan Eraly
Basty sózder: Sport,
Joǵary qaraı