Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Elena Rybakına Strasbýrg týrnıriniń shırek fınalyna shyqty

2020 jyldyń 22 qyrkúıek 2020 20:40

NUR-SULTAN. QazAqparat – Qazaqstannyń birinshi, álemniń 18-raketkasy Elena Rybakına Strasbýrg WTA týrnıriniń shırek fınalyna shyqty, dep habarlaıdy QazAqparat tilshisi.

E.Rybakına ekinshi aınalymda álemniń 52-raketkasy, frantsııalyq Alıze Kornemen sheberlik baıqasty.

Qazaqstandyq tennısshi 21-de bolsa, tájirıbeli qarsylasy 30-da edi. A.Korne bıylǵy US Open týrnırinde sátti óner kórsetip, tórtinshi aınalymyna deıin jetken bolatyn.

Birinshi partııada esep 3:2 bolǵan mezette E.Rybakına breık jasap, sol basymdylyǵyn saqtaı aldy – 6:3.

Ekinshi sette qazaqstandyq sportshy birden breıkpen alǵa shyqty – 1:0. Degenmen esep 5:4 bolyp, Elena matchqa dop bergende, birneshe múmkindigin paıdalana almaı, esesine qarsylasy breık jasap ketti – 5:5. Taı-breıkte aldymen A.Korne alǵa ketkenimen, qazaqstandyq sportshy aqyry kezekti matchbolyn qur jibergen joq – 7:6 (10:8).

Kezdesý barysynda kort ıesin kórermender de jigerlendirip otyrdy. Soǵan qaramastan, Elena sheberligi basym ekenin moıyndata bildi.

Birshama tartysty ótken báseke 1 saǵat 49 mınýtqa sozyldy.

E.Rybakına júlde qory 225,5 myń eýroǵa baǵalanǵan jarystyń jartylaı fınalyna shyǵý úshin álemniń 40-raketkasy, qytaılyq Chjan Shýaı nemese reıtıngte 415-satydaǵy kort ıesi Klara Bıýreldiń bireýimen talasady.

Bıyl Tsıntsınnatı dodasynda Ch.Shýaıdy taǵy bir qazaqstandyq tennısshi ıÝlııa Pýtıntseva utqan bolatyn.

Eske sala keteıik, budan buryn Zarına Dııastyń Strasbýrgte ekinshi aınalymǵa shyqqanyn, onyń soqqysy alǵashqy kúnniń qorytyndysy boıynsha úzdik dep tanylǵanyn jazǵan bolatynbyz.





Avtor Eljan Eraly
Basty sózder: Sport,
Joǵary qaraı