Aýa raıy
Astana -23 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Karantınge baılanysty Parıjdegi masters týrnıri kórermensiz ótedi

2020 jyldyń 29 qazan 2020 22:41

NUR-SULTAN. QazAqparat – Frantsııada engizilgen jappaı karantınge baılanysty Parıjdegi masters týrnıri kórermensiz ótedi, dep habarlaıdy QazAqparat tilshisi.

Jarystyń resmı saıty málim etkendeı, budan buryn kún saıyn 1 myńǵa deıin kórermenniń qatysýy josparlanǵan edi.

Endi bılet alǵandardyń aqshasy qaıtarylady.

Frantsııa tennıs federatsııasy dodany tamashalaý múmkindiginen aıyrylǵan adamdardyń buǵan túsinistikpen qaraýyn ótindi.

Frantsııa elindegi karantın keminde 1 jeltoqsanǵa deıin sozylady.

Júlde qory 5,4 mln eýrodan asatyn erler arasyndaǵy Parıjdegi masters týrnıri 2-8 qarasha aralyǵynda ótedi. Qatysýshylar tiziminde Qazaqstannyń birinshi, álemniń 49-raketkasy Aleksandr Býblık te bar.

Ótken jyly munda álemniń 1-raketkasy, serbııalyq Novak Djokovıch jeńimpaz atanǵan bolatyn. Ol fınalda kanadalyq Denıs Shapovalovty 6:3, 6:4 esebimen utqan edi. Bıylǵy dodaǵa olardyń ekeýi de barmaıtyn boldy. Sondyqtan masters týrnırinde jańa chempıonnyń esimi anyqtalady.

Eske sala keteıik, budan buryn Mıhaıl Kýkýshkınniń Astana Open týrnıriniń birinshi raketkasyn utqanyn jazǵan bolatynbyz.

 
Avtor Eljan Eraly
Basty sózder: Sport,
Joǵary qaraı