Aýa raıy
Astana 1 °S
Almaty 1 °S
valıýta baǵamy
USD 388.70
EUR 428.70
RUB 6.08
CNY 55.46

Tennıs: Kýkýshkın Vena týrnırin jeńispen bastady

2019 jyldyń 23 qazan 2019 19:24

ORAL. QazAqparat – Qazaqstandyq Mıhaıl Kýkýshkın Vena ATP týrnırin jeńispen bastady, dep habarlaıdy QazAqparat tilshisi.

Dúnıejúzilik reıtıngte 57-orynda turǵan M.Kýkýshkın alǵashqy aınalymda osy jarystyń segizinshi, álemniń 24-raketkasy, horvatııalyq Borna Chorıchpen kúsh synasty.

Birinshi partııada breık jasaı alǵan M.Kýkýshkın sol basymdylyǵyn saqtap qaldy – 6:4.

Qazaqstandyq sportshy ekinshi setti de breıkpen bastady – 2:0. Aqyry ol matchty jeńispen támamdaı bildi – 6:4.

Báseke 1 saǵat 23 mınýtqa sozyldy.

M.Kýkýshkın shırek fınalǵa shyǵý úshin álemniń 34-raketkasy, ıspanııalyq Pablo Karreno-Býstamen talasady.

Júlde qory 2 433 810 AQSh dollaryna baǵalanǵan Vena týrnıri 27 qazan kúni márege jetedi.

Eske sala keteıik, budan buryn Elena Rybakınanyń úzdik qyryq tennısshiniń qataryna engenin jazǵan bolatynbyz.

Avtor Eljan Eraly
Basty sózder: Sport,
Joǵary qaraı