Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Tımofeı Skatov Nur-Sultan týrnıriniń ekinshi aınalymyna shyqty

2021 jyldyń 2 naýryz 2021 12:18

NUR-SULTAN. QazAqparat – Qazaqstandyq Tımofeı Skatov elordada ótip jatqan Forte Challenger 125 týrnıriniń ekinshi aınalymyna shyqty, dep habarlaıdy QazAqparat tilshisi.

T.Skatov bastapqy kezdesýin otandasy Dmıtrıı Popkomen ótkizdi.

D.Popko dúnıejúzilik reıtıngte 183-orynda bolsa, 20 jastaǵy T.Skatov 456-satyda edi.

Birinshi partııa barysynda qarsylastar breık almasýmen boldy. Degenmen esep 4:3 bolǵan mezette T.Skatov óz geımin ala bildi. Sodan keıin bir saǵatqa sozylǵan tartysty setti óz paıdasyna sheshti.

Tımofeı ekinshi setti de breıkpen bastady – 2:0. D.Popko tarazy basyn teńestirgenimen, T.Skatov qaıta alǵa shyqty – 4:2. Aqyry ol ekinshi matchbolyn sátti paıdalana aldy – 6:4.

Báseke 1 saǵat 53 mınýtqa sozyldy.

T.Skatov shırek fınalǵa shyǵý úshin reıtıngte 171-satydaǵy aýstrııalyq Sebastıan Ofnermen talasady. Ol bastapqy kezdesýinde álemniń 127-inshi, osy dodanyń 6-raketkasy, reseılik Evgenıı Donskoıdy 6:2, 6:4 esebimen tize búktirdi.

Eske sala keteıik, budan buryn A.Býblıktiń reıtıngide 43-orynǵa kóterilgenin, Nur-Sultan 2 týrnıriniń qazaqstandyqtar úshin sátsiz ótip jatqanyn jazǵan bolatynbyz.


Avtor Eljan Eraly
Basty sózder: Qoǵam, Sport,
Joǵary qaraı