Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Tennısshi ıÝlııa Pýtıntseva Rım týrnıriniń shırek fınalyna shyqty

2020 jyldyń 18 qyrkúıek 2020 20:01

NUR-SULTAN. QazAqparat – Qazaqstandyq tennısshi ıÝlııa Pýtıntseva Rım WTA týrnıriniń shırek fınalyna shyqty, dep habarlaıdy QazAqparat tilshisi.

Dúnıejúzilik reıtıngte 30-orynda turǵan ıÝ.Pýtıntseva úshinshi aınalymda otandasy, Qazaqstannyń birinshi, álemniń 18-raketkasy E.Rybakınamen kortqa shyqty.

Elena bıyl 21-ge tolsa, tájirıbeli qarsylasy 25-te edi.

Birinshi partııada sáttirek oınaǵan E.Rybakına jeńiske jetti – 6:4.

Ekinshi sette ıÝ.Pýtıntseva breık jasap, alǵa shyqqanymen, qarsylasy tarazy basyn teńestirip úlgerdi – 1:1. Budan keıin Elena esepti 4:1-ge jetkizdi. Esep 5:3 bolyp, E.Rybakına matchqa dop bergende, onyń qateligin paıdalanǵan ıÝlııa breık jasaı aldy. Sosyn esep taǵy teńesti – 5:5. Taı-breıkte Pýtıntseva ábjildik tanytty – 7:6 (7:3).

Úshinshi, sheshýshi partııada ıÝlııa 4:1 esebimen alǵa ketti. Aqyry ol kezdesýdi taǵy bir breıkpen túıindedi – 6:2.

Match barysynda E.Rybakına kóbirek eıs jasaǵanymen, óz geımi kezinde dop berýde jıi qatelesti. Áıtpese oǵan jekpe-jekti ekinshi sette óz paıdasyna aıaqtaýǵa bolatyn edi.

Qos qazaqstandyq aıqasqan tartysty báseke 2 saǵat 40 mınýtqa sozyldy.

ıÝ.Pýtıntseva jartylaı fınalǵa shyǵý úshin álemniń ekinshi, osy dodanyń 1-raketkasy, rýmynııalyq Sımona Haleppen talasady. Ol úshinshi aınalymda reıtıngte 29-orynda turǵan Ýkraınanyń 20 jastaǵy juldyzy Daıana ıAstremskaıany 7:5, 6:4 esebimen tize búktirdi.

Budan buryn ıÝ.Pýtıntseva US Open týrnıriniń shırek fınalyna deıin jetken bolatyn.

Eske sala keteıik, ıÝ.Pýtıntseva men E.Rybakınanyń Rımde ózara kezdesip, shırek fınal joldamasyn sarapqa salatynyn jazǵan bolatynbyz.


Avtor Eljan Eraly
Basty sózder: Sport,
Joǵary qaraı