Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennısten Devıs kýbogy: Qazaqstandyq Kýkýshkın qarsylasyna ese jiberdi

2021 jyldyń 27 qarasha 2021 17:16

NUR-SULTAN. QazAqparat – Madrıdte Devıs kýbogy fınaldyq kezeńiniń toptyq básekesinde Qazaqstan men Shvetsııa matchy ótýde, dep habarlaıdy QazAqparat tilshisi.

Aldymen kortqa Qazaqstannan dúnıejúzilik reıtıngte 183-satyda turǵan Mıhaıl Kýkýshkın, Shvetsııadan álemniń 171-raketkasy Elıas Imer shyqty.

Birinshi partııada shvetsııalyq tennısshi 3:0 esebimen alǵa ketti. Aqyry sol basymdylyǵyn saqtap qaldy – 4:4.

Ekinshi sette de E.Imer alǵa ketkenimen, M.Kýkýshkın tarazy basyn teńestirdi – 4:4. Sodan keıin Imer taǵy bir breık jasap, matchqa dop bergenimen, Kýkýshkın de qalyspady – 6:6. Biraq taı-breıkte Imerdiń joly boldy – 7:6 (7:4).

E.Imer 9 eıs jasap, 6 breık-poınttyń tórteýin sátti paıdalandy. M.Kýkýshkın 1 eıs, 3 breıkten (4 breık-poınt) asa almady.

Tartysty oıyn 1 saǵat 52 mınýtqa sozyldy.

Ekinshi básekede Qazaqstannyń birinshi, álemniń 36-raketkasy Aleksandr Býblık pen reıtıngte 93-satydaǵy Mıkael Imer kúsh synasady.

Sodan keıin juptyq synda Andreı Golýbev pen Aleksandr Nedovesovke Andre Goransso men Robert Lındstedt qarsy turady.

Eske sala keteıik, budan buryn qazaqstandyq qyzdardyń Azııa komandalyq birinshiliginiń chempıony atanǵanyn, Anna Danılınanyń Dýbaıdaǵy týrnırdiń fınalyna shyqqanyn, Qazaqstan quramasy Shvetsııamen kezdesetinin jazǵan bolatynbyz.





Avtor Eljan Eraly
Basty sózder: Sport,
Joǵary qaraı