Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Terakt týraly jalǵan habar taratqandar 5 jylǵa deıin sottalady – polıtsııa departamenti

2022 jyldyń 25 mamyr 2022 13:03

NUR-SULTAN. QazAqparat - Jyl basynan beri Nur-Sultan qalasynyń polıtsııa organdaryn, onyń ishinde arnaıy qyzmetterdi kórineý jalǵan shaqyrýdyń 120-dan astam deregi tirkeldi, dep habarlaıdy QazAqparat.

Jaýapty vedomstvonyń málimetinshe, barlyq faktiler boıynsha quqyq buzýshylar ÁQBtK-niń 438-babyna sáıkes 30 AEK mólsherinde aıyppul túrinde ákimshilik jaýapkershilikke tartyldy.

«Sonymen qatar, polıtsııa qyzmetkerleri terrorızm aktisi týraly kórineý jalǵan habarlamalardyń 9 deregin tirkedi. Qylmystyq kodekstiń 273-babyna sáıkes terrorızm aktisi týraly kórineý jalǵan habarlaý 5 jylǵa deıin bas bostandyǵynan aıyrýǵa ákep soǵady. Máselen, 102 arnasyna elordalyq mektepterdiń birine jarylǵysh qurylǵylar qoıylǵany týraly hat tústi. Osyndaı habarlar basqa bilim mekemelerine qatysty da keldi. Polıtsııa departamenti mamandary tekserý júrgizgenimen, aqparat rastalmady. Jarylǵysh qurylǵylar tabylǵan joq», - dep jazdy departamentten.

Atalǵan fakti boıynsha qylmystyq is qozǵalp, tergeý amaldary júrgizilip jatyr. Ókinishtisi, mundaı quqyq buzýshylyqtar eleýli qoǵamdyq rezonans týdyrady. Kóbinese jalǵan habarlardy mas kúıindegi eresekter nemese kámeletke tolmaǵandar qasaqana taratady.

Nur-Sultan qalasynyń Polıtsııa departamenti kórineý jalǵan habarlama úshin qoldanystaǵy zańnamada kózdelgen jaýapkershiliktiń qarastyrylǵanyn eskertedi.


Basty sózder: Nur-Sultan, Polıtsııa, Sot,
Joǵary qaraı