Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Terentıı Sýkach urysta jaralanǵan 27 sarbazdy maıdan shebinen aman alyp shyqqan

2021 jyldyń 9 mamyr 2021 23:13

ÓSKEMEN. QazAqparat – Ekinshi dúnıejúzilik soǵysta medıtsınalyq qyzmettiń aǵa serjanty bolǵan Terentıı Sýkach qandy urysta jaraqat alǵan 27 adamdy maıdan shebinen alyp shyqqan, dep habarlaıdy QazAqparat tilshisi.

Terentıı Sýkach 1941 jyly 22 maýsymda maıdanǵa shaqyrylǵan. Ol Dnovskoıdaǵy 16-shy tank brıgadasy sapynda boldy.

Birde Grıva aýylynyń mańynda keri sheginip bara jatqan jaý Sınıýıa ózenindegi ótkeldi qıratyp tastaǵan.

Sol kezde Terentıı sanıtarlarmen birge jaraly jaýyngerlerdi evakýatsııalaýǵa kiristi. Barlyǵy 46 adam qutqaryldy.

Taǵy bir shaıqasta oǵan jaralylarǵa arnalǵan jedel járdem beketin uıymdastyrý tapsyrylǵan-tuǵyn.

Dushpannyń tolassyz atqylaǵan artıllerııalyq oǵyna qaramastan jaraqat alǵan maıdangerlerge kómek kórsetildi.

Ulys Otan soǵysynda Terentıı Sýkachtiń bir ózi ǵana 27 jaraly sarbazdy qarý-jaraǵymen birge maıdan shebinen alyp shyqqan.

Sol úshin oǵan «Erligi úshin» jáne «Lenıngradty qorǵaǵany úshin» medaldary, I dárejeli Otan soǵysy ordeni berilgen.


Joǵary qaraı