Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tereze astyndaǵy kontsert: Nur-Sultanda soǵys ardagerlerin qalaı quttyqtap jatyr

2021 jyldyń 9 mamyr 2021 13:42

NUR-SULTAN. QazAqparat – Astana ákimi Altaı Kólginov óziniń Instagram paraqshasynda Nur-Sultan qalasynda ardagerlerdi Jeńis kúnimen qalaı quttyqtap jatqanyn aıtty, dep habarlaıdy QazAqparat.

«Qymbatty, dostar! Sizderdi shyn júrekten Jeńis kúnimen quttyqtaımyn!

Bizdiń ata-babalarymyz jerimizdi qorǵaý kezinde batyrlyq pen batyldyq tanytty. Olardyń arqasynda bizdiń elimiz beıbitshilik pen amandyqta ómir súrýde. Olardyń batyrlyq ómir joly – urpaqtaryna jarqyn úlgi. Ardagerlerdi umytpaý – bizdiń paryzymyz.

Qaladaǵy epıdemıologııalyq ahýaldy eskere otyryp, buqaralyq shara ótkizý múmkin bolmady. Biraq oǵan qaramastan, batyrlarymyzǵa tıisti kóńil bólýge tyrystyq. Ardagerlerdiń terezeleriniń astynda sherý uıymdastyrdyq, áskerı orkestr óner kórsetti. Orkestr soǵys jyldaryndaǵy ánderdi oryndady. Balalardyń qýanyp, ardagerlerge zor qurmetpen qarap, kontsertti asa qyzyǵýshylyqpen tamashalaǵany qýantady. Balalar keýdeleri medalǵa tolǵan ardagerlerdiń áskerı oqıǵalaryn qýana tyńdady.





Memleket batyrlarymyzǵa kómek sharalaryn kórsetýde. Árbir Ekinshi dúnıejúzilik soǵys ardagerine mereke aldynda 1 mln kóleminde qarjylyq kómek kórsetildi, sonymen qatar jeńildikter boıynsha Ekinshi dúnıejúzilik soǵys ardagerlerine, eńbek ardagerlerine jáne t.b. teńestiriletinderge qarjylyq kómek qarastyrylǵan. Basqa da áleýmettik kómek sharalaryn usynamyz.

Mereke aldynda Elbasy tapsyrmasymen Keńes Odaǵynyń eki ret batyry, ushqysh Talǵat Bıgeldınovke eskertkish qoıyldy.

Jeńis kúni ár adamǵa zor densaýlyq pen otbasylyq saýlyq tileımin!» - dep jazdy astana ákimi.

Eske sala keteıik, búgin Qazaqstan Jeńis kúnin toılaıdy. Bıyl 1941-1945 jyldary bolǵan KSRO men fashıstik Germanııanyń soǵysyndaǵy Jeńiske 76 jyl toldy.


















Basty sózder: Nur-Sultan, Ákimdik, Jeńis kúni,
Joǵary qaraı