Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Terrorızm, kisi óltirý, qarý urlaý: Jappaı ereýilden keıin 819 qylmystyq is qozǵalǵan

2022 jyldyń 22 qańtar 2022 16:50

NUR-SULTAN. QazAqparat – Elimizdiń Bas prokýratýrasy elde bolǵan jappaı ereýilge qatysty sońǵy resmı málimetti bólisti, dep habarlaıdy QazAqparat tilshisi.

«Jappaı tártipsizdikten keıin qaıta qalpyna keltirý sharasy júrip jatyr. Onyń saldarynan zardap shekken adamdar men bıznes nysandaryna qatysty oqıǵalardy tergeý erekshe nazarda. Búginde jedel tergeý toby 819 qylmystyq isti tergep jatyr. Onyń 45-i - lańkestik aktisi, 36 - jappaı tártipsizdik, 15 - kisi ólimi boıynsha. Sonymen qatar urlyq, tonaý, qarýdy jymqyrý jáne bılik ókiline qatysty kúsh qoldaný faktileri boıynsha qylmystyq ister qaralyp jatyr», - dedi QR Bas prokýratýrasy birinshi qyzmet basshysynyń orynbasary Eldos Qılymjanov OKQ-de ótken baspasóz máslıhatynda.

Onyń aıtýynsha, atalǵan qylmystyq isterge qatysy bar 973 kúdikti qamaýǵa alynǵan.

«Onyń ishinde 182 kúdikti sottyń sanktsııasymen kúzettiń qaraýyna alyndy. Sonymen qatar 29 úıqamaqta. Jáne 464 adam lańkestik áreket jáne jappaı tártipsizdik boıynsha ustaldy. Odan basqa 226 adam - urlyq, 60 - qarýdy zańsyz saqtaý jáne 39 adam - qarý urlaý, 25 - buzaqylyq, 21 adam tonaý isi boıynsha qamaýǵa alyndy. Basqa da qylmystyq ister boıynsha ustalǵan kúdiktiler bar», - deıdi ol.


Joǵary qaraı