Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Til komıteti zań buzýshylarmen belsendi kúresti bastady - Ədilbek Qaba

2020 jyldyń 25 qazan 2020 15:04

NUR-SULTAN. QazAqparat – Til komıteti zań buzýshylarmen belsendi kúresti bastady. Bul týraly áleýmettik jelide QR Mádenıet jáne sport mınıstrligi Til saıasaty komıtetiniń tóraǵasy Ədilbek Qaba jazdy, dep habarlaıdy QazAqparat tilshisi.

«Talap kúsheıdi.Til qorǵandary barlyq aımaqtarda Til basqarmalarymen birlesip qazaq tiline qatysty zańnama talaptarynyń buzylýyna jol bermeý úshin belsendi kúresti bastady. Memlekettik tildiń tazalyǵyn, ultaralyq qatynas tiline aınalýyn talap etýshilerdiń qatarynda qazaqsha jaqsy sóıleıtin orys jáne ózge ult ókilderi júrgeni – qazaq tiliniń ultty uıystyrýshy rólin atqara bastaǵanyn baıqatady», - dedi Á. Qaba.

Osy oraıda ol atqarylyp jatqan jumystarǵa toqtaldy.

Birinshi, «Til qorǵandary» onlaın eriktiler jumys tobynyń Jadynamasy jasaldy. Ol zańgerlermen jan-jaqty talqylandy. Sóıtip, Til komıteti aımaqtardaǵy oblys, qala, tipti aýdan deńgeıine deıingi Til basqarmalarynyń basyn qosyp, Jadynamany tanystyrdy. Ol áleýmettik jelilerdegi akkaýnttar arqyly da tanystyrylatyn bolady.

«Ekinshi, osy Jadynama tanystyrylǵan jıynda barlyq aımaqtardaǵy Til basqarmalary qoǵam belsendilerin tarta otyryp, til zańnamalary talaptarynyń buzylýyn tekserýdi belsendi júrgizý maqsaty qoıylǵan bolatyn. Osy apta ishinde Almaty qalasynda, Atyraý, Jambyl, Qaraǵandy obylystarynda, basqa da óńirlerde belsendi tekserýler júrgizildi. Tekserý nátıjesinde kóptegen zań buzýshylyqtar anyqtalyp, eskertýler jasaldy, hattama toltyryldy, túsindirý jumystary júrgizildi.

Úshinshi, «TІL QORǴANY» telebaǵdarlamasy ashylyp, búkil respýblıka boıynsha reıdterden reportajdar jasaýy úshin arnaıy keste jasaldy. Sondaı-aq ár oblysta osy tárizdi til máselelerin ótkir kóteretin telebaǵdarlama uıymdastyrý máselesi qoıyldy», - dep jazdy komıtet tóraǵasy.

«Til qorǵany» baǵdarlamasy «Almaty» telearnasynan kórsetiledi.

«Tórtinshi, elimizdegi barlyq mýlfılm jasaıtyn kompanııa basshylaryn jınap, «Nelikten elimizde qazaq tilindegi anımatsııalyq fılmder az?» degen taqyrypta kezdesý ótkizdim. Munda da másele óte kóp. Ol týraly jazdym. Bul salaǵa memleket erekshe kóńil bólip, aıamaı aqsha jumsamasa balalarymyzdyń tili besikten-aq oryssha shyǵatyn bolady. Osy jáne basqa da máselelerin jınaqtap, olardyń pikir-usynystary negizinde Hattama qabyldap, quzyrly mınıstrlikterge jiberdik», - dedi Ádilbek Qaba.

Besinshi, elimizdegi tanymal jas aqyn, jazýshylarmen kezdesý ótkizildi. Qazaq tilindegi balalar ádebıetin kóterý, jalpy jas jazýshylardyń shyǵarmashylyǵy men túıini sheshilmeı jatqan máseleleri talqylandy. Jas jazýshylar da pikirlerin aıtyp, usynystaryn berdi.

«Altynshy, TІL QORǴANDARY onlaın eriktiler tobynyń jumysy belsendi júre bastady. Top músheleri ár aımaqtan ózderi kórgen saýatsyz jarnamalardy, qate mańdaıshalar men japsyrmalardy sýretke, vıdeoǵa túsirip Toptyń telegram, ınstaggram, feısbýk jelilerindegi akaýnttaryna jiberip jatyr. Til komıteti bul derekterdi qarap, óńirlerdegi til basqarmalaryna, ákimder men bıznes salasy basshylaryna talap hat joldady...», - dedi komıtet basshysy.


Joǵary qaraı