Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tımofeı Skatov Rolan Garros týrnıriniń irikteý saıysyn jeńispen bastady

2022 jyldyń 16 mamyr 2022 19:18

NUR-SULTAN. QazAqparat – Qazaqstandyq, álemniń 191-raketkasy Tımofeı Skatov Parıjde Rolan Garros týrnıriniń irikteý saıysyn jeńispen bastady, dep habarlaıdy QazAqparat tilshisi.

T.Skatov irikteý saıystarynyń shırek fınalynda dúnıejúzilik reıtıngte 145-orynda turǵan amerıkalyq Mıtchell Krıýgermen kezdesti.

Qazaqstandyq tennısshi qarsylasyn 6:1, 6:0 esebimen bet qaratpaı utty.

Bir saǵattan sál astam ýaqytqa sozylǵan matchta T.Skatov 1 eıs jasap, 6 breık-poınttyń beseýin múlt jibermedi.

T.Skatov irikteý saıystarynyń fınalyna shyǵý úshin argentınalyq Rodrıges Taverna nemese slovakııalyq Fılıpp Horanskıdiń bireýimen talasady.

Búgin sondaı-aq taǵy bir qazaqstandyq, reıtıngte 338- oryndaǵy Denıs Evseev Shymkent chellendjer jarysyn sátti bastady.

Ol alǵashqy aınalymda álemniń 313- raketkasy, amerıkalyq Ýlıs Blanchty 6:3, 6:2 esebimen

joldan taıdyrdy.

D.Evseev ekinshi aınalymda ýkraınalyq Erık Vanshelboım nemese japonııalyq Kaıchı Ýchıdanyń bireýimen sheberlik baıqasady.

Eske sala keteıik, budan buryn qazaqstandyq tennısshiniń Marokkodaǵy týrnırdiń shırek fınalyna shyqqanyn jazǵan edik.

Sondaı-aq tennısshi Andreı Golýbev álemdik reıtıngide rekordtyq nátıjege qol jetkizdi .


Avtor Eljan Eraly
Basty sózder: Sport, Tennıs,
Joǵary qaraı