Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tımýr Qulybaev Ulttyq kásipkerler palatasynyń basshysy qyzmetinen ketti

2022 jyldyń 17 qańtar 2022 09:15

NUR-SULTAN. QazAqparat - «Atameken» ulttyq kásipkerler palatasy prezıdıýmynyń tóraǵasy Tımýr Qulybaev qyzmetinen ketti, dep habarlaıdy QazAqparat.

Bul jaıynda palata saıtynda jarııalanǵan prezıdıým tóraǵasynyń arnaıy úndeýinen belgili boldy.

«Qurmetti áriptester!

Búginnen bastap men «Atameken» ulttyq kásipkerler palatasy tóralqasynyń saılanǵan tóraǵasy retindegi ókiletimdi doǵarýdy uıǵardym.

Sez delegattary men tóralqa múshelerine maǵan senim bildirgeni úshin alǵys aıtqym keledi. Ulttyq kásipkerler palatasynyń joǵary baqylaý organyn segiz jyl boıy basqarý men úshin úlken qurmet pen jaýapkershilik boldy», - delingen úndeýde.

Sondaı-aq, ol osy ýaqyt aralyǵynda birlesip jumys istegen ujymǵa, «Atameken» sapynda eńbek etip júrgen qatardaǵy sarapshylarǵa da, aýdandyq deńgeıdegi fılıal basshylaryna alǵys bildirgen.

Tımýr Qulybaev «Atameken» palatasynyń aldaǵy jumysynda Prezıdent Qasym-Jomart Toqaevtyń 11 qańtarda Májilistiń jalpy otyrysynda nusqaǵan bastamalary basym baǵytqa aınalatynyn aıtqan.

«Memleket basshysy óz sózinde «Atameken» men bıznes-qoǵamdastyq úshin basym baǵyttardy belgiledi. Halyqtyń tabysyn arttyrý baǵdarlamasyn ázirleý, ımportqa táýeldilikti tómendetý, memlekettik qoldaý sharalarynyń tıimdiligin arttyrý, memlekettiń ekonomıkadaǵy úlesin tómendetý jáne t. b. boıynsha keshendi sharalardy iske asyrý qajet.

Memleket basshysynyń osy tapsyrmalarynyń barlyǵy UKP-nyń sózsiz basymdyǵynda bolady», - deıdi eks-tóraǵa.

«Atameken» ujymynyń basym maqsaty - árdaıym bıznestiń quqyǵyn qorǵaý bolǵanyn aıtqan Tımýr Qulybaev ózi basshylyq etken kezeńde palatanyń Joǵarǵy sotpen, Bas prokýratýramen jáne sybaılas jemqorlyqqa qarsy qyzmet organymen jumysy jolǵa qoıyldy dep esepteıtinin jetkizgen.

«Búkil óńirlerde kásipkerlerdiń quqyǵyn qorǵaý jónindegi keńester jumys istep tur. 8 jyl ishinde palataǵa 41 myń ótinish kelip tústi, olardyń 40%-y oń sheshimin tapty.

«Atameken» palatasynyń bastamasymen bıznes-ahýaldy jaqsartý boıynsha júıeli jumys júrgizildi. Zańnamalyq túzetýlerdiń 8 paketi qabyldandy. Ekonomıkalyq qylmystardy krımınalsyzdandyrý júrgizildi.

Ekonomıka salasyndaǵy qylmystyq isterdi tirkeý 5 ese qysqardy. Qylmystyq kodeksten «jalǵan kásipkerlik» baby alynyp tastaldy. Ruqsattar, habarlamalar men lıtsenzııalar sany 4 ese qysqardy. Baqylaý-qadaǵalaý júıesine reforma júrgizilip, 17 myń nemese talaptardyń 58%-y alynyp tastaldy», - dep eske aldy Tımýr Qulybaev.

Úndeýde «Atameken» ulttyq kásipkerler palatasynyń jumysy 2024 jylǵa tolyq tsırflandyrylatyny aıtylǵan.

«Biz «Bastaý» jobasyn shaǵyn nesıeleýmen baılanystyryp iske qostyq. Myńdaǵan jumyssyzdar, ásirese, aýyldarda ózin-ózi jumyspen qamtyǵandar óz isin bastaýǵa múmkindik aldy. Qazirdiń ózinde 180 myńnan astam adam oqyp shyqty. 60 myńnan astam joba iske qosylyp, 70 myń jumys orny ashyldy.

Mektepterde, kolledjder men joǵary oqý oryndarynda «Kásipkerlik jáne bıznes negizderi» páni engizildi. Ol pándi 250 myńnan astam jasóspirim oqyp jatyr. Bul bizdiń birlesken jumysymyzdyń az ǵana bóligi. Biraq alda jańa úlken mindetter men syn-qaterler tur», - delingen úndeýde.

Tımýr Qulybaev 1966 jyly 10 qyrkúıekte Almatyda dúnıege kelgen.

Sońǵy jyldary Qazaqstannyń «Atameken» UKP prezıdıýmynyń tóraǵasy, kásipker, Qazaqstandaǵy energetıkalyq sektorlar men munaı-gaz kásiporyndaryn biriktirýshi KAZENERGY qaýymdastyǵynyń tóraǵasy qyzmetterin atqardy.

Mıhaıl Lomonosov atyndaǵy Máskeý memlekettik ýnıversıtetin bitirgen.

Eńbek joly:1988-1990 jyldary – Qazaq SSR Memlekettik josparlaý komıteti janyndaǵy Josparlaý jáne normatıvter ǵylymı-zertteý ekonomıkalyq ınstıtýtynyń ekonomısi, kishi ǵylymı qyzmetkeri.

1990-1992 jyldary – Qazaqstannyń Mádenı, áleýmettik jáne ǵylymı-tehnıkalyq damý qory Ǵylymı-konsýltatsııalyq ortalyǵynyń dırektory.

1992-1997 jyldary – «Altyn Alma» Kontserni» AQ bas dırektory, prezıdenti, Qazaqstannyń halyqaralyq damý qorynyń bas dırektory, «Altyn Alma» saýda úıiniń prezıdenti, «Altyn Alma» jabyq úlgidegi aktsıonerlik qoǵamynyń prezıdenti.

1995-1997 jyldary - «Almaty saýda-qarjy banki» JAQ Baqylaý keńesiniń tóraǵasy, Qazaqstan Respýblıkasy Investıtsııalar jónindegi memlekettik komıteti Jobalardy baǵalaý jáne kelissóz júrgizý dırektsııasynyń dırektory.

1997-1999 jyldary – «Kazaqoıl» Ulttyq munaıgaz kompanııasy» JAQ ekonomıka jáne qarjy jónindegi vıtse-prezıdenti.

1999-2001 jyldary - «QazTransOıl» Ulttyq munaı tasymaldaý kompanııasy» JAQ prezıdenti, «QazTransOıl» JAQ bas dırektory. 2001-2002 jyldary – «Munaı jáne gaz tasymaldaý» Ulttyq kompanııasy» JAQ bas dırektory.

2002 jyldan bastap «QazMunaıGaz» Ulttyq kompanııasy» JAQ birinshi vıtse-prezıdenti bolǵan. 2002 jyldan beri «QazTransOıl» JAQ Dırektorlar keńesiniń tóraǵasy. 2006-2007 jyldary – «Samuryq» Ulttyq holdıngtik kompanııasy» AQ basqarmasy tóraǵasynyń orynbasary.

2008 jyldyń qazanynan – «Samuryq-Qazyna» Ulttyq ál-aýqat qory» AQ basqarmasy tóraǵasynyń orynbasary.

2009 jyldyń qańtarynan - Qazaqstan boks federatsııasynyń prezıdenti. 2010 jyldan - Qazaqstan Respýblıkasy Ulttyq olımpıadalyq komıteti atqarý komıtetiniń múshesi.

2010 jyldyń naýryzynan Qazaqstan Respýblıkasy kásipkerler birlestigi úılestirý keńesiniń múshesi. 2010 jyldyń sáýirinde «Atameken» odaǵy» Qazaqstannyń ulttyq ekonomıkalyq palatasy tóralqasynyń tóraǵasy bolyp saılanǵan.

2010 jyldyń mamyrynda Qazaqstan Respýblıkasy Prezıdenti janyndaǵy Kásipkerler keńesiniń quramyna kirgen. 2011 jyldyń 12 sáýirinde «Samuryq-Qazyna» ulttyq ál-aýqat qory» AQ basqarma tóraǵasy bolyp taǵaıyndalǵan.

«QazMunaıGaz ulttyq kompanııasy» AQ dırektorlar keńesiniń tóraǵasy. «Qazatomónerkásip ulttyq atom kompanııasy» AQ dırektorlar keńesiniń tóraǵasy. Qazaqstannyń «Atameken odaǵy» UEP prezıdıýmynyń tóraǵasy (2010 jyldan).

Qazaqstan Respýblıkasy boks federatsııasynyń tóraǵasy. «Gazprom» AAQ dırektorlar keńesiniń múshesi (2011 jyldyń maýsymynan).

Joǵary qaraı