Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

TMD elderi oıyndary: Qazaqstandyq boksshylar 4 salmaqta chempıon atandy

2021 jyldyń 6 qyrkúıek 2021 18:30

QAZAN. QazAqparat - Reseıdiń Qazan qalasynda ótip jatqan TMD elderi arasyndaǵy sport oıyndarynda boksshylar básekesi máresine jetti, dep habarlaıdy QazAqparat tilshisi QR Mádenıet jáne sport mınıstrligine silteme jasap.

Jarys barysynda 2005-2006 jyldary dúnıege kelgen sportshylar baq synady. Fınalǵa shyqqan qazaqstandyq 6 bylǵary qolǵap sheberiniń 4-i chempıon atandy.

El quramasynan Anıta Adısheva (48 keli) ózbekstandyq Robııahon Bahtıerovany, Vıktorııa Baıdýkova (54 keli) reseılik Evıta Averıanovadan basym tústi.

Al 60 kelidegi Uljan Sársenbek te ózbekstandyq Mýhlısa Tohırovany qapy qaldyryp kteti.

Sondaı-aq, el quramasynan uldar arasynda fınalǵa joldama alǵan jalǵyz boksshy Myrzahan Máýlenov (66 keli) belarýstik Vladıslav Kýznetsovtan myqty ekenin kórsetti.

Qazaqstandyq Baqyt Seıdish (70 keli) pen Tomırıs Myrzaqul (52 keli) fınalda qarsylastaryna jol berdi.

Alǵashqysy ózbekstandyq Oısha Toırovaǵa, ekinshisi reseılik Anastasııa Koolge ese jiberdi.

Qola júldege qol jetkizgender qatarynda Jandarbek Іzbasarov (44-46 keli), Islam Mashkentaev (48 keli), Suńǵat Rasýlov (50 keli), Nurıslam Qaldybaev (52 keli), Madııar Otar (54 keli), Erasyl Mustafınov (57 keli), Ersultan Tólegen (60 keli), Ádil Qasymov (63 keli), Álınur Ómirbekov (70 keli), Batyrhan Seıtenov (75 keli), Nurasyl Baýyrjan (80 keli), Delfına Ábilhan (44-46 keli), Karına Toqýbaı (50 keli), Arýjan Jańabaeva (66 keli), Nazereke Rysbaı (80 keli) bar.

Jalpy komandalyq esepte 4 altynmen úshinshi oryn aldy. Al birinshi jáne ekinshi oryndaǵy Reseı 15, Ózbekstan 7 altyn enshiledi.














Joǵary qaraı