Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

TMD postkeńestik keńistiktegi aýqymdy apattardyń aldyn alýda mańyzdy ról atqardy - Toqaev

2021 jyldyń 15 qazan 2021 15:33

NUR-SULTAN. QazAqparat – Táýelsiz Memleketter Dostastyǵy postkeńestik keńistiktegi aýqymdy apattardyń aldyn alýda mańyzdy ról atqardy. Bul týraly TMD uıymyna múshe memleketter basshylary keńesiniń kezekti otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Osydan týra 30 jyl buryn Qazaqstannyń Tuńǵysh Prezıdenti Nursultan Nazarbaevtyń bastamasymen Almatyda Memleketter basshylarynyń tarıhı kezdesýi ótip, onda Almaty Deklaratsııasy qabyldanǵan bolatyn. Osynaý taǵdyrsheshti qujat jańa táýelsiz memleketterdiń kópqyrly yntymaqtastyǵyna myǵym negiz qalady. Búginde Dostastyq postkeńestik keńistiktegi aýqymdy apattardyń aldyn alýda mańyzdy ról atqaryp, halyqtarymyz arasyndaǵy ózara baılanystardy saqtaýǵa septigin tıgizdi. TMD-nyń bedeldi halyqaralyq uıymǵa aınalýy da óte mańyzdy. Osy jyldardyń ishinde TMD keńistiginde ortaq kúsh-jigerdiń arqasynda kooperatsııanyń shynaıy tetikteri quryldy, qomaqty normatıvtik-quqyqtyq baza qalyptasty. Yntymaqtastyqtyń barlyq derlik salasynda biregeı tájirıbe qalyptasty», - dedi Memleket basshysy.

QR Prezıdenti Dostastyq belsendi saıası dıalogty damytýǵa, qaýipsizdik salasyndaǵy yntymaqtastyqty nyǵaıtýǵa qyzmet etip, saýda-ekonomıkalyq qarym-qatynasty damytýǵa jaǵdaı jasaıtyndyǵyn basa aıtty.

«Elderimizdiń tıimdi ıntegratsııasy TMD-da erkin saýda aımaǵyn qurýǵa septigin tıgizdi. Dostastyq qamqorlyǵymen mádenı-gýmanıtarlyq yntymaqtastyqty damytýdaǵy qadamdar da joǵary baǵaǵa laıyq. Bizdiń kezdesýmiz TMD elderiniń kópqyrly ózara is-qımylyn qorytyndylap, jańa mejesin ashady», - dedi Qasym-Jomart Toqaev.


Joǵary qaraı