Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Tobyl» komandasyna jańa bas bapker taǵaıyndaldy

2022 jyldyń 20 mamyr 2022 17:13

NUR-SULTAN. QazAqparat - Serbııalyq maman Mılan Mılanovıch qostanaılyq «Tobyl» komandasynyń bas bapkeri qyzmetine taǵaıyndaldy, dep habarlaıdy QazAqparat tilshisi.

Mılan Mılanovıch 1963 jyly 10 qańtarda dúnıege kelgen. Fýtbolshylyq mansabynda Serbııanyń «Chýkarıchkı», Germanııanyń «Aýgsbýrg» klýbtarynda dop tepken.

Ol bapkerlik mansabyn 90-shy jyldardyń ortasynda bastady, Aldymen Farer araldarynyń «VB Vagýr» jáne «Tveroırı» komandalaryn jattyqtyrdy. Al 2009 jyly Bosnııa jáne Gertsegovınanyń «Laktashı» klýbyn basqarsa, 2012 jyly «Sherıfte» bas bapkerdiń kómekshisi bolyp jumys istedi.

2012 jyldan beri «Haıdýk» (Horvatııa) jáne Serbııanyń «Novı-Pazar», OFK, «Radnıchkı» jáne «Rada» sııaqty serb komandalarynda jumys istedi.

2019 jyly qazaqstandyq «Ertis» komandasynda bas bapker boldy.

2021 jyly Armenııanyń «Alashkert» komandasymen kelisim-shart jasasty.

Mılan Mılanovıchtiń qostanaılyq «Tobyl» komandasymen kelisim-shart merzimi osy jyldyń sońyna deıin jasalǵan.

Eske salsaq, budan buryn «Tobyl» komandasynyń bas bapkeri bolǵan Aleksandr Moskalenko óz erkimen qyzmetinen ketken edi.


Avtor Ádiljan Úmbet
Basty sózder: Qostanaı oblysy, Sport, Fýtbol,
Joǵary qaraı