Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Toqaev Aqtaý men Quryq porttarynyń bazasynda konteınerlik hab qurýdy tapsyrdy

2021 jyldyń 22 qyrkúıek 2021 20:12

NUR-SULTAN. QazAqparat – Aqtaý jáne Quryq porttarynyń bazasynda konteınerlik hab qurý qajet. Bul týraly Mańǵystaý oblysyna jumys sapary barysynda óńirdiń áleýmettik-ekonomıkalyq damýy jóninde keńes ótkizgen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

Aqordanyń baspasóz qyzmeti taratqan málimetken sáıkes, Prezıdent keńes barysynda óńirdegi turǵyn úı-kommýnaldyq sharýashylyq jaǵdaıyn da nazarynan tys qaldyrmady.

«Qala turǵyndarynyń sany ósken saıyn elektr qýatyn tutyný kólemi de arta túspek. Sondyqtan ákimdik 2023 jylǵa deıin Aqtaýdaǵy Botanıkalyq baqtyń mańyna qosalqy elektr stantsııasyn salýǵa tıis», – dedi Qasym-Jomart Toqaev.

Sonymen qatar Memleket basshysy Aqtaý qalasyn kógaldandyrý jumystaryn sapaly uıymdastyrýdy talap etip, oblys ákimine aǵash otyrǵyzý máselesin sheshýdi tapsyrdy.

Budan bólek Prezıdent jergilikti ekologııalyq problemalarǵa, sonyń ishinde «Qoshqar Ata» qaldyqtar qoımasyna qatysty máselege toqtaldy. Memleket basshysy Úkimet pen oblys ákimdigine úsh jyl merzim ishinde qaldyq qoımasyn qaıta qalpyna keltirýdi jáne qaldyq jınalatyn tolyq ınfraqurylym qalyptastyrýdy, sondaı-aq qatty turmys qaldyqtaryn normatıvti talaptarǵa saı óńdeý jumystaryn tolyq aıaqtaýdy tapsyrdy.

Qasym-Jomart Toqaev óńirdegi kólik-tranzıt áleýetin damytýdy taǵy bir mańyzdy mindet retinde atady. Bul rette elimizdiń teńiz porty arqyly ótetin transkaspıı mýltımodaldi halyqaralyq jolynyń mańyzy arta túsedi. Osyǵan oraı Memleket basshysy Úkimetke Aqtaý jáne Quryq porttarynyń bazasynda konteınerlik hab qurýǵa jáne Qytaıdan keletin eksporttyq júkterdiń bir bóligin qaıta baǵyttaýǵa tapsyrma berdi.


Joǵary qaraı