Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev EAEO elderine mıkrochıpter men kompıýterlik elementterdi birlesip shyǵarýdy usyndy

2021 jyldyń 10 jeltoqsan 2021 16:25

NUR-SULTAN. QazAqparat – QR Prezıdenti Qasym-Jomart Toqaev Eýrazııalyq ekonomıkalyq odaq elderine mıkrochıpter men kompıýterlik elementterdi birlesip shyǵarýdy usyndy, dep habarlaıdy QazAqparat tilshisi.

«Úshinshi jyl qatarynan tsıfrlyq ónimder men elektrondy qyzmetterge teńdessiz suranystyń oryn alǵanyna kýá bolyp otyrmyz. Buǵan qosa, tek qana eksklıýzıvti, ınnovatsııalyq tehnologııalyq sheshimderge ǵana emes, sonymen birge qarapaıym tsıfrlyq shyǵys materıaldarǵa da kúres júrip jatyr. Qazirdiń ózinde mashına jasaý álemdik naryǵynda mıkrochıpter men kompıýterlik elementterdiń jetispeýshiligi saldarynan júıeli irkilister oryn alýda»,- dedi QR Prezıdenti Joǵary Eýrazııalyq ekonomıkalyq keńestiń otyrysynda.

Memleket basshysy EAEO elderiniń de mashına jasaý salasy osyndaı problemaǵa tap bolyp otyrǵandyǵyn basa aıtty.

«Osyǵan baılanysty Úkimetterimizge ǵylymı-zertteý ınstıttarynyń járdemimen mashına jasaý salasy úshin mıkrochıpter men kompıýterlik elementter shyǵarý boıynsha birlesken kooperatsııalyq jobalardy júzege asyrý máselesin pysyqtaý qajet. Kásiporyndarymyzdyń qajettiligin tolyq kólemde qanaǵattandyratyn, al odan keıin eksportty jolǵa qoıýǵa múmkindik beretin óndiristik baza qurý talap etiledi», - dedi Qasym-Jomart Toqaev.


Joǵary qaraı