Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev Qazaqstannyń EAEO organdaryna tóraǵalyǵy kezindegi birlesken jumystyń 5 baǵytyn atady

2021 jyldyń 10 jeltoqsan 2021 16:40

NUR-SULTAN. QazAqparat – QR Prezıdenti Qasym-Jomart Toqaev Qazaqstanyń Eýrazııalyq ekonomıkalyq odaq organdaryna tóraǵalyǵy kezindegi birlesken jumystyń 5 baǵytyn atady, dep habarlaıdy QazAqparat tilshisi.

«Qazaqstan Respýblıkasy Eýrazııalyq ekonomıkalyq odaq organdaryna tóraǵalyǵy qurmetti mıssııasyn aıaqtaıdy. Tóraǵalyqqa ótken kezde men birlesken jumystyń bes baǵytyn jasaqtaǵan edim. Bul – ónerkásiptik kooperatsııany kúsheıtý, ózara saýdadaǵy kedergilerdi joıý, kólik-logıstıkalyq ınfraqurylymdy damytý, tsıfrlandyrý, sonymen qatar úshinshi eldermen saýda-ekonomıkalyq qarym-qatynasty damytý», - dedi QR Prezıdenti Joǵary Eýrazııalyq ekonomıkalyq keńestiń otyrysynda.

Memleket basshysy bul bir kúndik jumys emes ekendigin basa aıtyp ótti.

«Degenmen, búginde olardyń keıbiriniń sátti júzege asyrylǵandyǵyn atap ótýge bolady. Bıyl 2025 jylǵa deıingi ónerkásiptik yntymaqtastyqtyń negizgi baǵyttary bekitildi. Bul - ortasha merzimdi kezeńde ónerkásiptik kooperatsııanyń damý vetoryn aıqyndaıtyn negiz quraýshy qujat. 2021-2023 jyldarǵa arnalǵan kólik saıasatynyń negizgi baǵyttaryn júzege asyrý jónindegi is-sharalar jospary bekitildi», - dep atap ótti Qasym-Jomart Toqaev.


Joǵary qaraı