Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev memqyzmetshilerdiń bir kúndik jalaqysyn «Qazaqstan halqyna» qoryna aýdarý bastamasyn synady

2022 jyldyń 21 qańtar 2022 14:11

NUR-SULTAN. QazAqparat - QR Prezıdenti Qasym-Jomart Toqaev «Qazaqstan halqyna» qarjy aýdaryp úlgergen bıznes ókilderine rızashylyǵyn bildirdi, dep habarlaıdy QazAqparat tilshisi.

«Memlekettik is-áreketin synaýshylar barlyq ýaqytta kóp boldy jáne bola da beredi. Munan ary ne isteý kerektigin birlesip anyqtaıyq jáne birge reforma jasaýdy bastaımyz. Sózden iske kóshetin kez keldi», - dep atap ótti Memleket basshysy elimizdiń iri bıznes ókilderimen kezdesý barysynda.

QR Prezıdenti úndeýine den qoıyp, «Qazaqstan halqyna» qoryna qarjy aýdaryp úlgergen bıznes ókilderine rızashylyǵyn bildirip ótti.

«Osynaý ıgilikti is - eń joǵary baǵaǵa laıyq. Biraq, bul jerde formalızm múldem bolmaýy tıis. Áıtpese, memlekettik qyzmetshilerden, bıýdjet qyzmetkerlerinen bir kúndik jalaqy jınaı bastady. Muny jasaýdyń qajeti joq. Bul - múldem qajetsiz bastama. Taǵy da qaıtalap aıtamyn, bul bıýdjettik qor emes. Bul - Qazaqstan halqynyń qory. Sondyqtan onyń jumysy uzaqqa sozylatyn bıýrokratııalyq protsedýrasyz bolýy tıis. Bul jumys múldem ashyq bolady. Barlyq iri kompanııa jyl saıyn qorǵa salyq salynatyn kirisiniń paıyzyn aýdaryp otyrady. Qor paıdaly qaıyrymdylyq ispen aınalysady. Bıznes qoǵamdastyq bul bastamany shynaıy qoldaıdy dep úmittenemin», dedi Qasym-Jomart Toqaev.


Joǵary qaraı