Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev memorgan basshylarynyń bir qatelikti jıi qaıtalaıtynyn synady

2022 jyldyń 21 qańtar 2022 15:00

NUR-SULTAN. QazAqparat - QR Prezıdenti Qasym-Jomart Toqaev memlekettik organdardyń qyzmetindegi teris tájirıbege saraptama júrgizýdi tapsyrdy, dep habarlaıdy QazAqparat tilshisi.

«Іs júzinde kásipkerlerdiń talaptary boıynsha árbir ekinshi sheshim memlekettiń jáne laýazymdy tulǵanyń paıdasyn kózdemegen. Men muny progress dep sanaımyn. Taǵy bir oń belgi - talaptardyń basym bóligin sottar kásipkerdiń memlekettik organdarmen tatýlasýyna baılanysty qaıtarǵan. Biraq, sotqa shaǵymdar sany artyp keledi. Olardyń sany qazir 14 myńnan asady. Úkimetke Joǵarǵy sotpen jáne Ulttyq kásipkerler palatasymen birlesip, memlekettik organdardyń teris tájirıbesin saraptaý jáne joıý boıynsha sharalar qabyldaýdy tapsyramyn», - dep atap ótti Memleket basshysy elimizdiń iri bıznes ókilderimen kezdesýi barysynda.

QR Prezıdentiniń atap ótýinshe, sot memlekettik organnyń bir qateligin qaıta-qaıta túzete beretin bolsa, onda ondaı basshy óz ornynda otyrǵan joq degendi bildiredi.

«Joǵarǵy sotqa alańdatarlyq tsıfrlarǵa nazar aýdarýdy ótinemin. Tómen turǵan sottardyń sheshimderine shaǵymdar boıynsha appelıatsııalyq men kassatsııalyq aktilerdiń jartysyna jýyǵy kásipkerlerdiń paıdasyna qabyldanǵan. Bul bastapqy deńgeıde sottardyń áli de bolsa ıkemdelmegenin jáne múddelerdi jalǵan qorǵaýdan bas tartpaǵanyn bildiredi. Muny túzetý qajet. Kásipkerlerdiń mindeti - sot sarsańymen ýaqyt ótkizý emes, jumys isteý», dedi Qasym-Jomart Toqaev.


Joǵary qaraı