Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Toqaev TMD elderi basshylaryn tuy sý problemasyn birlesip sheshýge shaqyrdy

2021 jyldyń 15 qazan 2021 16:52

NUR-SULTAN. QazAqparat –TMD uıymyna múshe memleketter basshylary keńesiniń kezekti otyrysynda Qazaqstan Prezıdenti Qasym-Jomart Toqaev tuy sýǵa qatysty problemany birlesip sheshýge shaqyrdy, dep habarlaıdy QazAqparat tilshisi.

«Elderimiz tek klassıkalyq syn-qaterlerge ǵana emes, sonymen birge tabıǵı jáne tehnogendik sıpattaǵy táýekelderge de ushyraıdy. Qazaqstan ekologııa jáne qorshaǵan ortany qorǵaý máseleleri sheshimin ilgeriletýde yntymaqtastyqqa shaqyrady. Dúnıejúzilik meteorologııalyq uıymnyń málimetterine sáıkes, qazir Jer sharyndaǵy sý resýrstarynyń jarty paıyzy ǵana tuy sý retinde tutynýǵa jaramdy. Buǵan qosa, ótken jyly 2 mlrd adam qaýipsiz aýyzsýǵa qol jetkizýde qıyndyqqa tap boldy. Bul TMD keńistiginde sý resýrstaryn, transshekaralyq ózenderdi paıdalanýda oryn alyp otyrǵan problemalardy sheshý úshin naqty qadam jasaý qajettigin kórsetip otyr», - dedi Qasym-Jomart Toqaev.

Sonymen qatar QR Prezıdenti jahandyq jylynýmen kúres jaǵdaıynda tómen kómirtekti ekonomıkaǵa kóshý máselesi de ózekti bolyp kele jatqanyn basa aıtty.

«Bul úshin Dostastyq elderine tehnologııalyq jáne ekonomıkalyq qurylystyń kúrdeli transformatsııasy arqyly ótýge týra keledi. Qazaqstan qazirdiń ózinde 2060 jylǵa qaraı kómirtegi beıtaraptylyǵyna kóshý nıetin jarııa etti. Bul máselege ekonomıkalarymyzdyń erekshelikterin eskere otyryp, barynsha syndarly, tıimdi jaqyndaýymyz qajet dep sanaımyn. Sondyqtan TMD aıasynda jalpytujyrymdyq ádister ázirlegen jón bolar edi», - dedi Memleket basshysy.


Joǵary qaraı