Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev Úndistan men Ortalyq Azııa elderine óńiraralyq kólik-logıstıkalyq konsortsıým qurýdy usyndy

2022 jyldyń 27 qańtar 2022 18:18

NUR-SULTAN. QazAqparat – QR Prezıdenti Qasym-Jomart Toqaev Úndistan men Ortalyq Azııa elderine óńiraralyq kólik-logıstıkalyq konsortsıým qurýdy usyndy, dep habarlaıdy QazAqparat tilshisi.

«Ortalyq Azııa álemdik sharýashylyq baılanystary júıesinde kólik-logıstıkalyq zor áleýetke ıe. Qazaqstan aýmaǵy arqyly 11 halyqaralyq tranzıt dálizi ótedi. Onyń ishinde 5 temirjol men 6 avtomobıl baǵdary Shyǵys-Batys jáne Ońtústik-Soltústik baǵyttarda júk qozǵalysynyń joǵary jyldamdyǵyn qamtamasyz etedi. Soltústik-batys baǵytyndaǵy Eýrazııalyq ekonomıkalyq odaq keńistigindegi biryńǵaı keden aımaǵyn eskerer bolsaq, Reseıdiń, sonymen qatar Shyǵys Eýropanyń birqatar eliniń naryǵyna kedergisiz kirý múmkindigi bar. Jyldyq qýaty 26 mln tonnany quraıtyn Qazaqstannyń Aqtaý men Quryq porttary arqyly ótetin ońtústik-batys baǵdarynyń da keleshegi zor. Olar Kaspıı teńizi arqyly Kaspıı óńiri elderine, Túrkııaǵa jáne odan ary Batysqa keńinen shyǵý múmkindigin beredi», - dep atap ótti Qasym-Jomart Toqaev «Úndistan – Ortalyq Azııa» sammıti barysynda.

Memleket basshysy sońǵy 10 jylda elimizde ulttyq kólik ınfraqurylymyn damytýǵa shamamen 30 mlrd dollar ınvestıtsııa salynǵanyn atap ótti.

«Keleshekte biz ony jańǵyrtýǵa mol ınvestıtsııa salýdy jalǵastyramyz. Teńizge shyǵý joly joq elimiz úshin bul máseleniń strategııalyq máni bar. Ortalyq jáne Ońtústik Azııanyń ózara baılanystylyǵy sáýletiniń basty elementi senimdi, tıimdi ári qaýipsiz tranzıttik ınfraqurylym qurý bolýy tıistigine senimim mol. Ol úshin óńiraralyq kólik-logıstıkalyq konsortsıýmyn qurý múmkindigin qarastyrýdy usynamyn. Atalǵan qurylym Úndistan jáne Kaspıı teńizi men Parsy shyǵanaǵy porttary baǵytyndaǵy kólik baǵdarlarynda tolyqqandy ári ózara tıimdi júk tıeýge qatysty ulttyq saıasatty tıimdi úılestirýdi qamtamasyz eter edi», - dedi QR Prezıdenti.


Joǵary qaraı