Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo-2020: Ábilhan Amanqul búgin brazılııalyq boksshymen kezdesedi

2021 jyldyń 1 tamyz 2021 09:54

TOKIO. QazAqparat - Tokıo Olımpıadasynda qazaqstandyq boksshy Ábilhan Amanqul (75 keli) búgin brazılııalyq Ebert Soýzamen qolǵap túıistiredi, dep habarlaıdy QazAqparat tilshisi.

Qazaqstandyq boksshynyń qarsylasy osal emes. Ebert Soýza 1998 jyly dúnıege kelgen. Búginge deıin 2019 jyly álem chempıonatynda qola júldeger atansa, sol jyly Panamerıkan oıyndarynda kúmis medalǵa qol jetkizdi.

Al Ábilhan Amanqul 1997 jyly dúnıege kelgen. 2017 jyly álem chempıonatynda kúmis, Azııa chempıonatynda qola júldeger boldy. 2018 jyly Azııa oıyndarynda ekinshi oryn aldy.

Qos boksshynyń jekpe-jegi saǵat 15:18-de ótedi dep belgilengen.

Aıta keteıik, Ábilhan birinshi irikteý satysyna qatysqan joq. Ekinshi irikteý satysynda ózbekstandyq Fanat Kahramonovty qapy qaldyryp ketti.

Eske salsaq, bıylǵy Olımpıadaǵa erler quramasynan 8 sportshy bardy. Olardyń arasynan Ábilhannan ózge Sáken Baıbosynov (52 keli), Zakır Safıýllın (60 keli), Qamshybek Qońqabaev (91 keliden joǵary) jarysty jalǵastyrýda.

Al Serik Temirjanov (57 keli), Abylaıhan Júsipov (69 keli), Bekzat Nurdáýletov (81 keli), Vasılıı Levıt (91 keli) qarsylasyna ese jiberip qoıdy.

Qyzdarda Nadejda Rıabets (75 keli) alǵashqy kezdesýde jeńilip qaldy.


Avtor Ádiljan Úmbet
Basty sózder: Sport, Olımpıada, Boks,
Joǵary qaraı