Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo-2020: Qamshybek Qońqabaev jartylaı fınalǵa shyqty

2021 jyldyń 1 tamyz 2021 16:46

TOKIO. QazAqparat - Tokıo Olımpıadasynda qazaqstandyq boksshy Qamshybek Qońqabaev (91 keliden joǵary) búgin reseılik Ivan Verıasovtan basym tústi, dep habarlaıdy QazAqparat tilshisi.

Alǵashqy eki raýndta Qamshybektiń basymdyǵy baıqalyp turdy. Úshinshi raýndta da sol qarqynynan taıǵan joq. Osylaısha jartylaı fınalǵa shyqty.

Qazaqstandyq sportshynyń búgingi qarsylasy Ivan Verıasov 1993 jyly dúnıege kelgen. Áýesqoı boksta qazirge deıin 281 jekpe-jek ótkizip, onyń 255-de jeńiske jetken bolatyn. Ázirge álemdik jáne qurlyqtyq chempıonattarda júldegerler qatarynan kórine alǵan joq.

Eske salsaq, bıylǵy Olımpıadaǵa erler quramasynan 8 sportshy bardy. Olardyń arasynan Qamshybekten ózge Sáken Baıbosynov (52 keli), Zakır Safıýllın (60 keli) jarysty jalǵastyrýda.

Al Serik Temirjanov (57 keli), Abylaıhan Júsipov (69 keli), Ábilhan Amanqul (75 keli), Bekzat Nurdáýletov (81 keli), Vasılıı Levıt (91 keli) qarsylasyna ese jiberip qoıdy.

Qyzdarda Nadejda Rıabets (75 keli) alǵashqy kezdesýde jeńilip qaldy.

FOTO: Salı Sabırov, Qazaqstan UOK


Avtor Ádiljan Úmbet
Basty sózder: Olımpıada, Boks, Sport,
Joǵary qaraı