Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo-2020: Medaldar kestesinde Qazaqstan 40-orynǵa qaraı yǵysty

2021 jyldyń 26 shilde 2021 19:44

TOKIO. QazAqparat - Japonııa astanasy Tokıo qalasynda ótip jatqan Olımpıada oıyndarynda 26 shildedegi medaldar esebi jarııalandy, dep habarlaıdy QazAqparat.

Aıta keteıik, qazir Qazaqstan quramasynyń qorjynynda úsh qola medal bar.

Alǵashqysyn 24 shildede dzıýdoshy Eldos Smetov ıemdense, ekinshisine 25 shildede aýyr atlet Igor Son qol jetkizdi.

Taǵy bir aýyr atletimiz Zýlfııa Chınshanlo búgin, 26 shildede taǵy bir qola medal jeńip aldy.

Osylaısha úsh qola medal alǵan el quramasy jalpy komandalyq esepte 40-orynǵa taban tiredi. Germanııa quramasynyń da qorjynynda úsh qola bar.

Qazirge deıin 51 memleketten kelgen sportshylar medal alyp úlgerdi.

Medal alý jóninen AQSh kósh basyna shyqty. Onyń enshisinde 7 altyn, 3 kúmis, 4 qola medal bar.

Ekinshi oryndaǵy Japonııanyń enshisine 7 altyn, 2 kúmis, 3 qola buıyrǵan.

Buǵan deıin kósh basynda kele jatqan Qytaı 6 altyn, 4 kúmis, 7 qolamen úshinshi orynǵa yǵysty.

Tokıo Olımpıadasynan 26 shildede medal alǵan el quramalarynyń alǵashqy ondyqtaǵy kestesi tómendegishe:

1. AQSh - 7-3-4

2. Japonııa - 7-2-3

2. Qytaı - 6-4-7

4. Reseı - 4-5-3

5. Ulybrıtanııa - 3-3-1

6. Ońtústik Koreıa - 3-0-4

7. Avstralııa- 2-1-3

8. Kosovo - 2-0-0

9. Italııa - 1-4-4

10. Frantsııa - 1-2-2

Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysýda.

Qazaqstandyq 97 sportshy kúnshyǵys elinde sporttyń 28 túrinen baq synaıdy.

Eske salsaq, Tokıo Olımpıadasy 23 shildede bastaldy. Ol 8 tamyzda máresine jetedi.

Buǵan deıin Qazaqstan quramasy alty Jazǵy Olımpıadada baq synady. Jalpy alǵanda 21 altyn, 28 kúmis, 64 qola medal aldy.


Avtor Ádiljan Úmbet
Basty sózder: Sport, Olımpıada,
Joǵary qaraı