Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo-2020: Sáken Bıbosynov frantsýz boksshysymen jekpe-jekke shyǵady

2021 jyldyń 26 shilde 2021 22:02

TOKIO. QazAqparat - Japonııa astanasy Tokıo qalasynda ótip jatqan Olımpıada oıyndarynda qazaqstandyq boksshy Sáken Bıbosynovtyń qarsylasy anyqtaldy, dep habarlaıdy QazAqparat.

Qazaqstandyq sportshy 52 kelidegi alǵashqy jekpe-jeginde Pýerto-Rıko elinen kelgen ıAnkel Rıvera Fıgeroany tize búktirdi.

Ol endi 1/8 fınalda frantsııalyq Bılal Bennammen qolǵap túıistiredi.

Bılal Bennam - tájirıbeli boksshynyń biri. Ol 2019 jyly Reseıdiń Ekaterınbýrg qalasynda ótken álem chempıonatynda qola júldeger atandy.

Atalǵan jarysta olar 49 keli salmaqta judyryqtasqan edi.

2020 jylǵy Olımpıadada Qazaqstan atynan toǵyz boksshy baq synaýda. Onyń 8-i - erler, bireýi - áıelder básekesinde sharshy alańǵa shyǵady.

Aıta keteıik, buǵan deıin Sáken Bıbosynovtan ózge Serik Temirjanov (57 keli) pen Zakır Safıýllın (65 keli) alǵashqy kezdesýin sátti ótkizip, jarystyń kelesi satysyna shyqqan bolatyn.

Al 27 shildede Abylaıhan Júsipov (69 keli) pen Vasılıı Levıt (91 keli) alǵashqy jekpe-jegin ótkizedi.


Avtor Ádiljan Úmbet
Basty sózder: Sport, Boks, Olımpıada,
Joǵary qaraı