Aýa raıy
Astana -4 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo Olımpıadasyna baratyn resmı tulǵalardyń sany 10-15 paıyzǵa qysqartylmaq

2020 jyldyń 25 qyrkúıek 2020 08:21

TOKIO. Kıodo-QazAqparat – Tokıodaǵy Olımpıada oıyndaryn uıymdastyrýshylar shyǵyndardy azaıtý boıynsha usynystar paketiniń aıasynda resmı tulǵalardyń sanyn 10-15 paıyzǵa qysqartýǵa nıetti. Bul týraly QazAqparat Kıodo agenttigine silteme jasap habarlaıdy.

Oıyndar naýryz aıynda koronavırýs pandemııasyna baılanysty keıinge qaldyrylǵan. Endi ony uıymdastyrýshylar da, Halyqaralyq Olımpıada komıteti de buryn bolyp kórmegen bir jyldyq keshigýge baılanysty ony qosymsha shyǵyndardan jeńildetýdi kózdep otyr.

Atap aıtqanda, uıymdastyrý komıteti nysandardy jaryqtandyrý men qosymsha qýat kózderiniń sanyn azaıtatyn ınfraqurylym reformalaryn usyndy. Oıyndardy jeńildetý sharalarynyń aıasynda 52 pýnkt qarastyrylyp otyr.

Qaıta qaraý jospary boıynsha Olımpıadanyń saltanatty ashylýy men jabylýy rásimine adamdardy shaqyrý sany 20 paıyzǵa qysqartylmaq, sondaı-aq ondaǵy tamaq pen sýsynnyń máziri de qaıta qarastyrylady. Endi bul Olımpıadaǵa qatysatyn resmı tulǵalar jáne olarmen baılanysty toptarǵa qoǵamdyq kólikpen júrýine týra keledi.

121 kúndik estafetanyń uzaqtyǵy ózgermegenimen, onyń shtattyq kestesi men qyzmettik kólikterdi paıdalaný qysqartylady.

Foto: cbssports.com
Basty sózder: Álem, Sport,
Joǵary qaraı