Aýa raıy
Astana -20 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Toqsandyq jıyntyq baǵalaý tek elektrondy túrde saqtalady - Maıra Meldebekova

2020 jyldyń 27 qazan 2020 17:47

NUR-SULTAN. QazAqparat – BJB men TJB jumystary oqý jylynyń sońyna deıin tek elektrondy túrde saqtalady. Bul týraly áleýmettik jelide onlaın talqylaý kezinde QR BǴM Mektepke deıingi jáne orta bilim komıtetiniń tóraıymy Maıra Meldebekova málim etti, dep habarlaıdy QazAqparat tilshisi.

«2020-2021 oqý jyly jalǵasýda. Birinshi toqsan aıaqtalýǵa jaqyndady. Barlyq mektepterde jıyntyq baǵalaý jumystary bólim boıynsha ótti. Qazir osy oqý jylynyń birinshi toqsanyn qalaı qorytyndylaımyz? Jıyntyq baǵalaýdyń nátıjesin qalaı shyǵaramyz? Ózderińiz bilesizder, bólim boıynsha jıyntyq baǵalaýdyń barlyǵyn 15-18 qazan aralyǵynda ótkizdińizder. Erteńnen bastap barlyq mektepterde toqsandyq baǵalaý júıesi bastalady», - dedi komıtet basshysy muǵalimderge qarata aıtqan sózinde.

Onyń sózine qaraǵanda, jalpy bilim berý uıymdarynda oqý pánderi kúni jáne ýaqyty turǵysynda árbir mektepte óziniń kestesi boıynsha jasalady.

«BJB men TJB jumystary oqý jylynyń sońyna deıin tek elektrondy túrde saqtalady. Bul boıynsha bizge kóp suraqtar kelip túsedi. Biraz mektep ákimshilikteri osyny qaǵaz túrinde shyǵaryp, sony saqtap qoıýǵa nusqaý beredi eken. Ony isteýdiń qajeti joq. Elektrondy túrde daıyndaǵannan keıin, solaı ǵana saqtap qoıasyzdar», - dedi Maıra Meldebekova.

Budan buryn habarlanǵandaı, oqý jylynyń ekinshi toqsanynda mektepte oqytý formattary boıynsha aldyn ala esepteýler júrgizildi.

Ekinshi toqsanda oqý formattary boıynsha balalardyń boljamdy sany: qashyqtan oqytý formatynda – 2,2 mln, dástúrli formatta – 1,2 mln, onyń ishinde 800 myńnan astam bala kezekshi synyptarda (1-5 synyp), shaǵyn jınaqty 4 010 mektepte 434 myń oqýshy, 13 halyqaralyq mektepte 3 myńǵa jýyq oqýshy (1-7 synyp) bilim alatyn bolady.

Esterińizge sala ketsek, tıisti sheshim Vedomstvoaralyq komıssııanyń otyrysynda qabyldanǵan bolatyn.


Foto: aqmeshit-aptalygy.kz


Joǵary qaraı