Aýa raıy
Astana 18 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Toqtatylǵan áýe reısteriniń sýbsıdııasy týrıstik baǵyttarǵa bólindi - Azamattyq avıatsııa komıteti

2020 jyldyń 7 shilde 2020 15:36

NUR-SULTAN. QazAqparat - Sýbsıdııalanatyn áýe reısteriniń ýaqytsha toqtatylýyna baılanysty qarajattyń bir bóligi ishki týrıstik baǵyttarǵa qaıta bólindi, dep habarlaıdy QazAqparat Azamattyq avıatsııa komıtetine silteme jasap.

«Koronavırýs pandemııasyna baılanysty «Nur-Sultan-Tokıo» áýe baǵyty boıynsha sýbsıdııalanatyn reısterdiń ýaqytsha toqtatylýyna baılanysty qoldanystaǵy zańnamaǵa sáıkes qarajattyń bir bóligin ishki týrıstik baǵyttar boıynsha reısterge 385,1 mln teńge kóleminde qaıta bólý týraly sheshim qabyldandy. Osyǵan baılanysty ishki týrıstik baǵyttarǵa tasymaldaýlar suranysyn qanaǵattandyrý maqsatynda QR Indýstrııa jáne ınfraqurylymdyq damý mınıstrligi sýbsıdııalanatyn «Nur-Sultan-Balqash», «Nur-Sultan-Úsharal» jáne «Almaty-Jezqazǵan» baǵyttaryna qosymsha baıqaý ótkizdi», delingen habarlamada.

Baıqaýǵa qatysý úshin «SCAT», «Qazaq Air», «ıÝjnoe nebo» jáne «Jezqazǵan Eır» áýe kompanııalary tıisti ótinimder berdi.

«Baıqaý qorytyndysy boıynsha barlyq úsh áýe baǵyty boıynsha «Qazaq Air« áýe kompanııasy jeńimpaz bolyp anyqtaldy. Áýekompanııa kelesi reısterdi oryndaıdy: «Nur-Sultan – Balqash» baǵyty boıynsha aptasyna 4 reıs jıilikpen tarıfi 9 000 teńge (reıster sany aptasyna 10 reıske deıin artady), «Nur-Sultan – Úsharal» baǵyty boıynsha aptasyna 4 reıs jıilikpen tarıfi 16 000 teńge (reıster sany aptasyna 11 reıske deıin artady), «Almaty-Jezqazǵan» baǵyty boıynsha aptasyna 2 reıs jıilikpen tarıfi 20 000 teńge (reıster sany aptasyna 4 reıske deıin artady). Reıster syıymdylyǵy 76 orynnan 86 orynǵa deıin Bombardier áýe kemelerinde oryndalatyn bolady», delingen habarlamada.


Joǵary qaraı