Aýa raıy
Astana 23 °S
Almaty 24 °S
valıýta baǵamy
USD 405.69
EUR 455.51
RUB 5.72
CNY 57.42

Tólebıde gobelenshi Qurasbek Tynybekovke eskertkish-bıýst qoıyldy

2019 jyldyń 12 qarasha 2019 12:53

TÓLEBI. QazAqparat – Túrkistan oblysy Tólebı aýdanynda qazaq gobelen óneriniń negizin qalaýshy Qurasbek Tynybekovke eskertkish-bıýst qoıyldy. Tas músin óner ıesiniń esimin ıelengen Aqqum aýyldyq okrýginde ornalasqan jalpy orta mektepte ornatyldy, dep habarlaıdy QazAqparat tilshisi.

Eskertkish-bıýsttiń ashylý saltanatynda sóz sóılegen aýdan ákiminiń orynbasary Serjan Dúısebaev talantty qylqalam sheberin óziniń mazmundy shyǵarmashyl ómirin ulttyq ónerge qyzmet etýge jáne ony damytýǵa arnaǵanyn atap ótti. Jas urpaqqa máńgilik ónege bolardaı tyń dúnıeler qaldyryp ketkenin jetkizdi.




«Nebári 33 jyl ómir súrse de, shyǵarmashylyq jumysymen qatar óz eliniń damýy úshin qoǵamdyq ómirge de belsene atsalysqan. Sándik óner salasynda da kóp eńbek sińirip, birneshe márte joǵary marapatqa ıe boldy. Ońtústiktiń ǵana emes, kúlli qazaq eliniń maqtanyshyna aınaldy. Onyń gobelen janrynda oılap tapqan jańa tehnıkasyn álemniń kóptegen elderinde sheberler óz shyǵarmashylyǵynda qoldanady»,- dedi aýdan ákiminiń orynbasary.







Aıta keteıik, Qurasbek Tynybekov sol kezdegi Ońtústik Qazaqstan oblysy Lengir aýdany Amangeldi atyndaǵy ujymsharda dúnıege kelgen. 1971 jyly Ýkraınanyń Lvov qalasyndaǵy memlekettik sán jáne qolóner ınstıtýtyn bitirip kelgen soń «Kazgıpromestprom» ınstıtýtynda, «Túskıiz» fabrıkasynda bas sýretshi bolyp istegen. Osy kezeńde Almaty kórkemsýret ýchılıesinde pedagogtyq qyzmetpen de aınalysqan. Qazaqstan sýretshiler odaǵy janyndaǵy qoldanbaly óner sektsııasy tóraǵasynyń orynbasary bolyp biraz jyl jemisti qyzmet atqarǵan.

Al, 1991 jyldan beri Tólebı aýdany Aqqum eldi mekenindegi Qyzyl ásker mektebi Qurasbek Tynybekovtiń atymen atalady.










Avtor Aınur Aqbaeva
Basty sózder: Túrkistan oblysy, Mádenıet, Óner,
Joǵary qaraı