Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Tólebılik naýqasqa kúrdeli laparoskopııalyq ota jasaldy

2020 jyldyń 21 qazan 2020 22:29

TÓLEBI. QazAqparat - Túrkistan oblysy Tólebı aýdanyndaǵy ortalyq aýrýhanada alǵash ret laparoskopııalyq ádispen ota jasaldy. Oblystyq klınıkalyq aýrýhananyń hırýrg mamandarymen birlese jasalǵan ota kezinde eki naýqastyń ót qaby alyndy, dep habarlaıdy QazAqparat tilshisi.

Oblystyq Qoǵamdyq densaýlyq basqarmasynyń málimetinshe, shalǵaı aýdan turǵyndary buǵan deıin oblystyq klınıkalyq aýrýhanaǵa joldanatyn. Emdeý mekemesine bıylǵy jyly arnaıy medıtsınalyq qural-jabdyq alynyp, turǵyndar sapaly emdi aýdan aýrýhanasynan qabyldaıtyn bolǵan.

Atalǵan aýrýhananyń bas dárigeriniń mindetin atqarýshy Qarlyǵash Omarovanyń aıtýynsha, bul tásilmen búırek pen baýyr aýrýlarynyń kóptegen túrin emdeý josparlanýda. Dárigerler osy maqsatta biliktilikterin arttyryp, tájirıbe almasqan. Qazirgi tańda ota bóliminde orta jáne kishi býyn qyzmetkerlerin qosa alǵanda 26 medıtsına qyzmetkeri jumys isteıdi. Bıylǵy jyldyń ózinde munda 400-ge jýyq ota jasalǵan. Bólimshede ót qaltasyndaǵy tasty alý, jaryqqa jáne keýde men asqazandy emdeýge arnalǵan ota túrleri jasalyp keledi.





Avtor Aınur Aqbaeva
Basty sózder: Medıtsına, Túrkistan oblysy,
Joǵary qaraı