Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Tomırıs» fılmindegi kaskaderler álemdegi eń bedeldi syılyqqa ıe boldy

2021 jyldyń 23 qańtar 2021 00:20

NUR-SULTAN. QazAqparat – Qazaqstandyq kaskaderler toby Álemdik kaskaderler akademııasynyń (AQSh) «Taurus» syılyǵyna ıe boldy, dep habarlaıdy QazAqparat.

«Nomad Stunts» kaskaderler toby bul syılyqty «Qazaqfılm» kınostýdııasy túsirgen «Tomırıs» fılmindegi trıýkter úshin jeńip aldy. Bul týraly buǵan deıin jazǵan edik.

«Qurmetti dostar, búgin 12 kelilik «Taurus» syı̆lyǵy AQSh-tan @nomadstunts kaskaderler tobyna jáne onyń jetekshisi @kunguzhinov-ke jetkizildi. Bul álemdegi kaskaderlerdiń eń bedeldi kásibı syı̆lyǵy, ony bizdiń «Qazaqfılm» kınostýdııasynyń týyndysy - «Tomırıs» fılmindegi trıýkterdi joǵary deńgeı̆de qoı̆yp, oryndaǵany úshin jeńip aldy», - dep jazdy Sh.Aımanov atyndaǵy «Qazaqfılm» kınostýdııasynyń basshysy, fılmniń rejısseri Aqan Sataev Instagram-da.


«Nomad Stunts» kaskaderler tobynyń jetekshisi Jaıdarbek Kúnǵojınovtiń aıtýynsha, beldi syılyqty Qazaqstan Ortalyq Azııa elderi arasynda alǵashqy bolyp ıelenip otyr. «Taurus» qazaqstandyq komandaǵa «Shetel fılmindegi eń úzdik trıýkter» nomınatsııasy úshin berilgen.

Onyń atap ótýinshe, bul marapat kaskaderler úshin «Oskar» syılyǵymen para-par.

J.Kúnǵojınov Facebook-paraqshasynda bólisken fotosýrette «Taurus» músinshesine buǵan deıin amerıkalyq akterler Sılvester Stallone, Arnold Shvartsenegger ıe bolǵanyn kórýge bolady. «Óz komandama alǵys bildiremin. Solardyń arqasynda buǵan Qazaqstan jáne Ortalyq Azııa tarıhynda alǵash qol jetkizdik. Bul úshin jaraqattar arqyly 20 jyl júrip óttik jáne Gollıvýdta eń úzdik bola alatynymyzdy dáleldedik!», - dedi ol.

Aıta keteıik, Nomad Stunts - bul qazaqstandyq kaskader Jaıdarbek Kúnǵojınov 2000 jyly qurǵan halyqaralyq kásibı kaskaderler toby. Onyń quramynda búginde 86 adam bar.








«Tomırıs» kınotýyndysy bizdiń zamanymyzǵa deıingi VI ǵasyrda bolǵan oqıǵany sýretteıdi. Fılmde kishkentaı qyzdan aıbyndy jaýyngerge aınalǵan, jaqyndarynan aırylyp, satqyndardan óshin alǵan jáne saq taıpalaryn biriktirgen uly dalanyń aty ańyzǵa aınalǵan Tomırıs patshaıymynyń taǵdyry baıandalady.

Fılm QR Mádenıet jáne sport mınıstrliginiń tapsyrysymen «Qazaqfılm» kınostýdııasynda Sataifilm kompanııasynyń qatysýymen túsirilgen.

Kartına Parıjde ótken L’Etrange Festival 26-shy kınofestıvaliniń tolyq metrajdy fılmder sektsııasynda Nouveau Genre gran-prıin jeńip aldy.





Avtor Mıra Tólendiqyzy
Basty sózder: Qoǵam, Mádenıet, Óner,
Joǵary qaraı