Aýa raıy
Astana -12 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Tórt myń jyl buryn qola dáýirinde qoldanylǵan kúıme arbanyń kóshirmesi jasaldy

2020 jyldyń 8 qarasha 2020 23:24

ALMATY. QazAqparat - Almatyda osydan shamamen 4 myń jyl buryn, qola dáýirinde qoldanylǵan eki dóńgelekti kúıme arba aınytpaı jasaldy, dep habarlaıdy QazAqparat.

Kúımeniń kólemi, pishini sol kúıinde saqtalǵan. Rekonstrýktsııany tarıh ǵylymynyń kandıdaty, arheolog jáne shyǵystanýshy Vıktor Novojenov pen «Qyrym araly» ǵylymı-restavratsııa zerthanasynyń jetekshisi, tanymal sýretshi-restavrator Qyrym Altynbekov jasaǵan.

Vıktor Novojenovtyń aıtýynsha, bul oqıǵa osydan 40 jyl buryn, 1980 jyly bastalǵan. Qaraǵandy ýnıversıtetiniń ekspedıtsııasy Kent qalashyǵynda qola dáýiriniń qorǵandarynda qazba jumysyn júrgizgen.

Sonyń birinen kúıme arbanyń bólshekteri, atap aıtqanda dóńgelekteri men shanaǵy tabylǵan. Bul - sol kezde qazyp alynǵan jádigerlerdiń ishinde eń jaqsy saqtalǵany edi.

«Men osy kúıme arbany tazalap, konservatsııa jáne restavratsııa jasaýǵa qatystym. Mine, sol kezde mende bir qyzyq arman paıda boldy. Múmkindik bolǵanda adamzat órkenıetiniń endi qalyptasyp kele jatqan kezinde, 4 myń jyl buryn ata-babamyz jasaǵan osynaý kólikke minsem dep armandadym. Sosyn uzaq jyldar ony zerttedim, shanaqtyń usaq-túıegin qalpyna keltirdim, at ábzelderin, arbanyń tıisti qarýy men kıimin, dalada qoldaný jaıyn zerdeledim. Mine, keshe meniń bala armanym oryndaldy. Biz jasaǵan kúıme arba qazir ıÝNESKO bastamasymen mádenıetterdi jaqyndastyrý halyqaralyq ortalyǵynyń skverinde tur» dep jazady arheolog Facebook paraqshasynda.

Almatylyqtar men qala qonaqtary qola dáýiriniń jádigerimen sýretke túse alady.





Avtor Janat Qapalbaeva
Basty sózder: Almaty, Qazaqstan tarıhy,
Joǵary qaraı