Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tótenshe jaǵdaı kezinde tártipti qamtamasyz etkenderge 150 myń teńge berildi - Erlan Turǵymbaev

2022 jyldyń 18 qańtar 2022 10:18

NUR-SULTAN. QazAqparat – Tótenshe jaǵdaı kezinde quqyqtyq tártipti qamtamasyz etken qyzmetkerlerge 150 myń teńge syılyqaqy berildi. Bul týraly Úkimet otyrysynda Іshki ister mınıstri Erlan Turǵymbaev málim etti, dep habarlaıdy QazAqparat tilshisi.

«Áleýmettik-ekonomıkalyq jaǵdaıdy turaqtandyrý josparyna sáıkes, Іshki ister mınıstrligi 3 is-shara boıynsha negizgi oryndaýshy. Birinshi – áskerı daıarlyqty jáne qamtamasyz etýdi arttyrý, áskerı qyzmetshilerdiń moraldyq rýhyn kóterý boıynsha sharalar qabyldaý. Eń aldymen, Arnaıy bólinisterdiń materıaldyq-tehnıkalyq bazasyn nyǵaıtý josparlanýda. Jalpy, materıaldyq bazany nyǵaıtý úshin Úkimet rezervinen qarjy bólingen», - dedi E. Turǵymbaev.

Onyń aıtýynsha, jeke quramnyń áskerı rýhyn kóterý boıynsha otandy súıýge, qyzmettik mindetke adal bolýǵa tárbıeleý boıynsha is-sharalar jospary bar. Qıyndyqqa shydaý, tózimdilik boıynsha arnaıy trenıgter uıymdastyryldy.

«Yntalandyrý, qyzmetkerlerdiń eńbegin baǵalaý turaqty júzege asyrylady. Mysaly, tótenshe jaǵdaı kezinde quqyqtyq tártipti qamtamasyz etken qyzmetkerlerge 150 myń teńge, al kýrsanttar men áskerılerge baǵaly syılyqtar berildi. Jalpy, jeke quram qaýipsizdikti qamtamasyz etýge tolyq daıyn», - dedi mınıstr.

Budan buryn habarlanǵandaı, búgin Úkimet otyrysynda Ulttyq ekonomıka mınıstri Álibek Qýantyrov «Qazaqstan Respýblıkasyndaǵy áleýmettik-ekonomıkalyq jaǵdaıdy turaqtandyrý jónindegi jedel is-qımyldar josparyn bekitý týraly» QR Úkimeti qaýlysynyń jobasyn tanystyryldy. Talqylaýdan keıin qujat jobasy bekitildi.


Joǵary qaraı