Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tótenshe jaǵdaılar mınıstri ýly gazdan qaza tabý oqıǵalaryna pikir bildirdi

2021 jyldyń 2 naýryz 2021 12:55

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın ýly gazdan qaza tabý oqıǵalaryna pikir bildirdi, dep habarlaıdy QazAqparat tilshisi.

«Bizdiń mınıstrlik atynan jáne óz atymnan Túrkistan oblysynda qaza tapqandardyń jaqyndaryna kóńil aıtamyn. Ókinishke qaraı mundaı jaǵdaılar az emes. Keshe ǵana Mańǵystaý oblysynda eki adam gaz ballon jabdyǵyndaǵy ýly gazdan ýlanyp, qaza tapty. Túrkistan oblysynda gaz jabdyǵyn paıdalanǵan jas jigit qaıtys boldy», - dedi mınıstr Ortalyq kommýnıkatsııalar qyzmetinde ótken brıfıngte.

Eske sala ketsek, 17 aqpanda Túrkistan oblysyndaǵy jeke turǵyn úıde 5 adamnyń denesi tabyldy, onyń tórteýi kámetleketke tolmaǵan.

Tekserý barysynda 3 bólmeli úıde kamın túrindegi pesh (Iran peshi) ornatylǵany jáne oǵan gofrlengen burǵysh qosylǵany anyqtaldy. Ol 1,5 metr qashyqtyqta qabyrǵadaǵy tesik arqyly kóshege shyǵarylǵan. Syrtqy jaǵynan gofrlengen rozetka 5-7 sm ǵana quraıdy, osylaısha qatty jel peshtegi tartylystyń nasharlaýyna yqpal etip, ýly gaz bólme ishine taralǵan.

Mınıstrlik derekterine sáıkes, 2020 jyly órt shyqpaı tabıǵı gazben ýlaný saldarynan 22 adam, gaz ballon qondyrǵylarynyń jarylysynan 11 adam qaıtys boldy, gaz ballon qondyrǵylarynyń 32 jarylysy tirkeldi.

Budan basqa, mamandar avtonomdy jylytý júıeleri bar 2 mln jýyq turǵyn úıdi aralady, 4 mln astam azamatqa nusqaý berilgen. Ákimdiktermen birlesip, avtonomdy jylytý júıesi bar úılerge datchıkter ornatý praktıkasy jalǵasyp keledi, barlyǵy 118 myńnan astam datchık ornatylǵan.


Joǵary qaraı