Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Toıǵa ruqsat bergenine para alǵan: Qyzmetkeriniń qylyǵy úshin Taldyqorǵan ákiminiń orynbasary jumystan qýyldy

2021 jyldyń 5 tamyz 2021 08:38

TALDYQORǴAN. QazAqparat - Almaty oblysynda Taldyqorǵan qalasy ákiminiń orynbasary jumystan qýyldy, dep habarlaıdy QazAqparat.

Bul jaıynda Sybaılas jemqorlyqqa qarsy qyzmettiń Almaty oblystyq departamenti resmı málimet taratty.

Qazir atalmysh departamenttiń tergeý basqarmasy Taldyqorǵan qalasy kásipkerlik bóliminiń basshysyna jáne bas mamanyna qatysty isti tergep jatyr. Olar QR Qylmystyq kodeksiniń 366-baby boıynsha para aldy degen kúdikke ilingen.

Aıta keteıik, atalǵan bólimniń bastyǵy qaramaǵyndaǵy bas mamanmen sybaılasyp, koronavırýsqa qatysty shekteý sharalary kezinde buqaralyq is-sharalardy ótkizýge tyıym salynǵanyna qaramastan meıramhana ıelerinen jáne kóshedegi saýda-sattyq núktelerinen 20 myńnan bastap 270 myń teńgege deıin para alyp otyrǵan.

Olardan bólek taǵy 5 meıramhananyń ákimshisi de para bergeni úshin qylmystyq jaýapkershilikke tartylyp otyr.

Osy qylmystyq istiń negizinde Almaty oblystyq sybaılas jemqorlyqqa qarsy is-qımyl departamentiniń basshylyǵy qala ákiminiń qatysýymen keńes ótkizdi.

Onyń nátıjesi boıynsha tıisti baqylaý jasamaǵany úshin Taldyqorǵan qalasy ákiminiń orynbasary Sáýle Arzanbekova jumystan bosatyldy.

«Atalǵan jemqorlyq qylmysyn tergeý jalǵasyp jatyr. Basqa málimetter tergeý múddesine baılanysty jarııalanbaıdy» dep málim etti departament.


Joǵary qaraı