Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Transkaspıı halyqaralyq kólik tasymaly 2 baǵytta júrgizilmek

2022 jyldyń 11 naýryz 2022 10:22

NUR-SULTAN. QazAqparat -Transkaspıı halyqaralyq kólik baǵdaryn (THKB) damytý máselesi Úkimettiń turaqty baqylaýynda, dep habarlaıdy QazAqparat tilshisi.

Bul týraly QR Úkimeti janyndaǵy Daǵdarysqa qarsy sharalar jónindegi jedel shtabtyń keshe ótken otyrysynda aıtyldy.

QR IIDM basshysy QR Indýstrııa jáne ınfraqurylymdyq damý mınıstri Qaıyrbek Óskenbaevtyń aıtýynsha, Transkaspıı halyqaralyq kólik baǵdaryn damytý máselesi Úkimettiń turaqty baqylaýynda ekenin atap kórsetti. Qazir onyń áleýetin arttyrý boıynsha belsendi jumystar júrgizilip jatyr.

«2022 jyly bul baǵytta 30 myńnan astam JFE tasymaldaý bekitilgen. Qazirgi jaǵdaıdy eskere otyryp, ol 2 ese ulǵaıýy múmkin. Qazaqstandyq eksporttaýshylar bıyl THKB-ge basqa baǵyttardan 2 mln tonnaǵa deıin júk jóneltýdi josparlap otyr. Onyń ishinde munaı ónimderi, metall ónimderi jáne kómir bar. Tıisti kólemdi 4 mln tonnaǵa deıin arttyrýǵa bolady», - dedi mınıstr.

THBK boıynsha eki baǵytta 10 mln tonnaǵa deıin, onyń ishinde 200 myń konteınerge deıin tasymaldaýǵa bolady. Olar: Aqtaý/Quryq – Baký(Alıat) – Ázerbaıjan temirjoldary – Grýzııa temirjoldary - Batýmı/Potı porty jáne ári qaraı Qara teńizdegi Varna/Býrgas (Bolgarııa) nemese Konstantsaǵa (Rýmynııa);

Aqtaý/Quryk – Baký (Alıat) – Ázerbaıjan temirjoldary – Grýzııa temirjoldary (Baký-Tbılısı-Kars baǵyty) – Túrkııanyń Qara teńizdegi jáne Jerorta teńizdegi porttary arqyly.

Sondaı-aq atalǵan mınıstrlik ókilderi boljanǵan kólemdi tasymaldaý úshin Ázerbaıjan jáne Grýzııa taraptarmen kelissóz júrgizgen.

Ázerbaıjanmen ýaǵdalastyqty iske asyrý úshin arnaıy jumys tobyn qurý týraly sheshim qabyldandy. Al Tbılısı qalasynda ótken kezdesýde Grýzııa tarapy THKB-ny ilgeriletý úshin birlesken logıstıkalyq kompanııa qurý jónindegi qazaqstandyq bastamany qoldady.

Jalpy Baký men Tbılısıde THKB damytý boıynsha bastamalardy qoldap otyr.


Joǵary qaraı