Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tuqym sharýashylyǵynda túıtkilder az emes - Aqylbek Kúrishbaev

2021 jyldyń 13 mamyr 2021 11:45

NUR-SULTAN. QazAqparat – Senattyń jalpy otyrysynda depýtat Aqylbek Kúrishbaev óziniń depýtattyq saýalynda tuqym sharýashylyǵy men selektsııalyq ǵylym salasyndaǵy eleýli problemalar týraly aıtyp berdi, dep habarlaıdy QazAqparat tilshisi.

Depýtat Úkimet basshysynyń orynbasary Roman Sklıardiń atyna joldaǵan saýalynda salada kúrdeli jaǵdaı týyndaǵanyn jáne ony sheshýdi kesheýildetýge bolmaıtynyn atap ótti.

Aqylbek Kúrishbaevtyń aıtýynsha, tuqymdyq materıal sapasy tómendep barady, al aýyl eńbekkkerleri jyl saıynǵy jınaıtyn egin de azaıa túsýde. Ónim sorttary men býdandarynyń shamamen 70 paıyzy, al birqatar daqyldar jáne odan da kóbiregi bizge shetelden ákelinedi. Sonymen qatar, ákelinetin tuqymdardyń basym kópshiligi bizdiń topyraq pen klımattyq jaǵdaıymyzǵa beıimdelmegen bolyp otyr.

Depýtat bólingen memlekettik sýbsıdııalar sheteldik tuqymdardy arzandatýǵa jumsalatynyna narazy. Bul rette, otandyq agrarshy ǵalymdarǵa óz jumystaryn júrgizý úshin bıyl áli kúnge deıin qarjy bólingen joq.

Osyǵan baılanysty Aqylbek Kúrishbaev ǵylymdaǵy jaǵdaıdy jaqsartý jóninde birqatar usynystaryn aıtty. Onyń basty maqsaty - joǵary ónimdi jáne kúızeliske tózimdi sorttar men daqyldardyń býdandaryn ázirleý bolýy kerek. Bul úderiske mindetti túrde otandyq agrarlyq ǴZI men joǵary oqý oryndary, bıotehnologııa ortalyqtary, sondaı-aq jetekshi sheteldik ǵalymdar qosylýy tıis. Bul úderisti zańnamalyq qoldaý da mańyzdy.

«Selektsııa men tuqym sharýashylyǵyndaǵy avtorlyq quqyqtardy qorǵaý, qazirgi zamandaǵy sertıfıkattaý ádisterin qoldana otyryp selektsııalyq jetistikterdi tirkeý, standarttar men ǵylymı-ádistemelik bazany jańartý jónindegi zańnamalyq ári normatıvtik bazany kúsheıtý qajet. Sondaı-aq selektsııa jáne tuqym sharýashylyǵy sýbektileriniń materıaldyq-tehnıkalyq, zerthanalyq bazasyn nyǵaıtýǵa kómek kórsetý, elde aýyl sharýashylyǵy daqyldarynyń genetıkalyq resýrstarynyń Ulttyq bankin uıymdastyrý mańyzdy», - dedi A. Kúrishbaev.

Senator tuqym sharýashylyǵy júıesine memlekettik qoldaýdy kúsheıtip, otandyq sorttardy sýbsıdııalaý tetigin qaıta qaraý kerek dep sanaıdy. Bul usynystardyń bári 2021-2025 jyldarǵa arnalǵan AÓK damytý jónindegi ázirlenip jatqan ulttyq jobada kórinis tapqany jón.


Joǵary qaraı